టాలీవుడ్ లో స్టార్ మ్యూజిక్ డైరెక్టర్ గా గుర్తింపు తెచ్చుకున్నాడు దేవిశ్రీప్రసాద్. ఈ మధ్యకాలంలో ఆయన జోరు కాస్త తగ్గినప్పటికీ.. చాలా మంది స్టార్ హీరోలకు బెస్ట్ మ్యూజిక్ ఆల్బమ్స్ అందించాడు. అలానే కొందరు హీరోల కెరీర్ ఊపందుకోవడానికి దేవు ఆడియోలు చాలా హెల్ప్ అయ్యాయి. అలాంటి వారిలో హీరో రామ్ కూడా ఉంటాడు. రామ్ నటించిన ‘జగడం’, ‘రెడీ’, ‘శివమ్’, ‘నేను శైలజ’, ‘ఉన్నది ఒకటే జిందగీ’, ‘హలో గురూ ప్రేమ కోసమే’ లాంటి సినిమాలకు దేవిశ్రీప్రసాద్ మ్యూజిక్ అందించారు.
ఇందులో కొన్ని హిట్లున్నాయి, కొన్ని ప్లాప్ లున్నాయి. కానీ మ్యూజికల్ గా అన్నీ హిట్లే. ఇప్పుడు మరోసారి వీరిద్దరి కాంబినేషన్ లో సినిమా రాబోతుంది. ప్రముఖ తమిళ దర్శకుడు లింగుస్వామితో ఇటీవల రామ్ ఓ సినిమాను మొదలుపెట్టిన సంగతి తెలిసిందే. పాన్ ఇండియా స్థాయిలో ఈ సినిమాను తెరకెక్కిస్తున్నారు. ఈ సినిమాకు సంగీత దర్శకుడిగా దేవిశ్రీప్రసాద్ ను ఎన్నుకున్నారు. ఈ మధ్యకాలంలో దేవి ‘రంగ్ దే’, ‘ఉప్పెన’ వంటి సినిమాలకు మ్యూజిక్ అందించి తన సత్తా చాటుకున్నాడు.
రామ్ సినిమాకి ఎనర్జిటిక్ మ్యూజిక్ ఇస్తాడని అభిమానులు ఆశిస్తున్నారు. ప్రస్తుతం దేవిశ్రీప్రసాద్.. సుకుమార్ తెరకెక్కిస్తోన్న ‘పుష్ప’ సినిమాకి సంగీత దర్శకుడిగా పని చేస్తున్నాడు. ఈ సినిమాలతో దేవి కెరీర్ మరింత ఊపందుకుంటుందేమో చూడాలి!
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
Home