సరిలేరు నీకేవ్వరు గురించి తమన్ ట్వీట్ లో చాలా అర్ధాలున్నాయిగా

నిన్న విడుదలైన సూపర్ స్టార్ మహేష్ నటించిన 26వ చిత్రమైన “సరిలేరు నీకెవ్వరు” టీజర్ మహేష్ బాబు అభిమానులకే కాక అన్నీ వర్గాల ప్రేక్షకులకు బాగా నచ్చింది. చాలా రోజుల తర్వాత పూర్తి స్థాయి మాస్ రోల్లో మహేష్ బాబు అప్పీరియన్స్, డైలాగ్ డెలివరీ & విజయశాంతి స్పెషల్ అప్పీరియన్స్ ఇలా “సరిలేరు నీకెవ్వరు”లో ఆకట్టుకొనే అంశాలు చాలా ఉన్నాయి. అయితే.. టీజర్ చూసి ఎంతగానో ఆనందించిన మహేష్ అభిమానులు ఆ టీజర్ మ్యూజిక్ విషయంలో మాత్రం నిరాశపడ్డారు.

“మహర్షి”తోనే మహేష్ అభిమానులని బాగా బాధపెట్టిన దేవిశ్రీ కనీసం “సరిలేరు నీకెవ్వరు” చిత్రంతోనైనా ఆకట్టుకొంటాడెమో అనుకుంటే.. దారుణంగా నిరాశపరిచాడు. మహేష్ అభిమానులు మాత్రమే కాదు.. తమన్ కూడా “సరిలేరు నీకెవ్వరు” టీజర్ బ్యాగ్రౌండ్ స్కోర్ తో హ్యాపీగా ఫీల్ అవ్వలేదనుకుంటా.. అందుకే నిన్న టీజర్ అదిరింది అంటూ దర్శకుడు, హీరోని ట్యాగ్ చేసిన తమన్.. మ్యూజిక్ డైరెక్టర్ గురించి మాత్రం ఎక్కడా మెన్షన్ చేయలేదు. దాంతో.. తమన్ కావాలనే దేవిశ్రీని అవమానించాడని ఫ్యాన్స్ గుసగుసలు మొదలయ్యాయి. ఏదేమైనా.. దేవిశ్రీప్రసాద్ వర్క్ ఈమధ్యకాలంలో అంత బాగోవడం లేదనేది మాత్రం నిజం.

“జార్జ్ రెడ్డి” సినిమా రివ్యూ & రేటింగ్!
యాక్షన్ సినిమా రివ్యూ & రేటింగ్!
తెనాలి రామకృష్ణ బిఏ బిఎల్ సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!