Dhanush: ఆటో డ్రైవర్ అంటూ హేళన చేశారు.. ఎమోషనల్ ధనుష్!

July 9, 2022 / 10:33 AM ISTByFilmy Focus

Join Us

Dhanush: ఆటో డ్రైవర్ అంటూ హేళన చేశారు.. ఎమోషనల్ ధనుష్!

కోలీవుడ్ స్టార్ హీరోగా ఎంతో పేరు ప్రఖ్యాతలు సంపాదించుకొని ప్రస్తుతం వరుస సినిమాలతో ఎంతో బిజీగా గడుపుతున్న నటుడు ధనుష్ గురించి అందరికీ సుపరిచితమే. ప్రస్తుతం కోలీవుడ్ ఇండస్ట్రీలో అగ్ర హీరోగా కొనసాగుతున్న ధనుష్ ద గ్రేట్ మ్యాన్ అనే సినిమా ద్వారా హాలీవుడ్ ఎంట్రీ ఇవ్వనున్నారు.ఈ క్రమంలోనే తాజాగా ఒక ఇంటర్వ్యూలో పాల్గొన్న ధనుష్ తన కెరియర్ మొదట్లో పడిన అవమానాలు గురించి తలచుకొని ఎమోషనల్ అయ్యారు. ఈ సందర్భంగా ధనుష్ మాట్లాడుతూ..

తాను ప్రముఖ దర్శకుడు కస్తూరి రాజా కుమారుడిగా ఆయన దర్శకత్వంలో 2002వ సంవత్సరంలో తుళ్లువాదో ఇలమై సినిమాతో వెండితెర ఎంట్రీ ఇచ్చారు. ఈ సినిమా తర్వాత 2003 వ సంవత్సరంలో ధనుష్ హీరోగా కాదల్‌ కొందెన్‌ సినిమా షూటింగ్లో పాల్గొన్నారు.ఈ సినిమా షూటింగ్ సమయంలో ఆయన ఎన్నో చేదు అనుభవాలను అవమానాలను ఎదుర్కొన్నారని వెల్లడించారు. అప్పట్లో తాను బక్క పలుచగా ఉండటం వల్ల చాలామంది తనని నువ్వు హీరో ఏంటి అంటూ ఎగతాళి చేశారని

ఈ సందర్భంగా అప్పుడు తాను ఎదుర్కొన్న అవమానాలు గురించి ఈ సందర్భంగా బయటపెట్టారు. ఈ సినిమా షూటింగ్ సమయంలో కొందరు వచ్చి హీరో ఎవరు అని తననే ప్రశ్నించారని ఆయన అవమానంతో వేరే వాళ్ళని హీరోగా చూపించానని, చివరికి నేనే హీరో అని తెలుసుకొని పగలబడి నవ్వారు అంటూ ధనుష్ తెలిపారు. అప్పట్లో నా గురించి హేళన చేయని వాళ్ళు లేరు. కొందరైతే ఏకంగా ఆటో డ్రైవర్ లా ఉన్నావు.

నువ్వు హీరో ఏంటీ అంటూ పెద్ద ఎత్తున ఎగతాళి చేశారని ఇలా ఎగతాళి చేయడంతో కారులోకి వెళ్లి బోరున ఏడ్చానని ధనుష్ ఈ సందర్భంగా వెల్లడించారు. ఇకపోతే ఆటో డ్రైవర్ అయితే హీరో కాకూడదా అని తనకు తానే ధైర్యం చెప్పుకొని సినిమాలలో నటించి, తాను నేడు ఈ స్థాయికి వచ్చానని ధనుష్ కెరియర్ మొదట్లో తాను ఎదుర్కొన్న అవమానాలు గురించి వెల్లడించారు.