ధనుష్ – శేఖర్‌ కమ్ముల కాంబినేషన్‌లో ఓ సినిమా రూపొందుతున్న విషయం తెలిసిందే. ఈ సినిమాకు సంబంధించి బయటకు వచ్చినవి రెండే విషయాలు. ఒకటి నిర్మాతల పేర్లు, రెండోది సినిమా తెలుగు, తమిళం, హిందీ భాషల్లో రూపొందుతోందని. అయితే ఆ తర్వాత చాలా వార్తలు వరుస కట్టాయి. సినిమా కథానాయిక, సినిమా నేపథ్యం అంటూ రకరకాల వార్తలు పుట్టుకొచ్చాయి. వాటిలో ఏది నిజం, ఎంతవరకు నిజమనేది తెలియాల్సి ఉంది. ఈ క్రమంలో మరో వార్త బయటకు వచ్చింది. అది సినిమా నేపథ్యం గురించే.
శేఖర్‌ కమ్ములకు బాగా అచ్చొచ్చిన జానర్‌, హిట్లు తెచ్చిన జోనర్‌ ప్రేమకథ. అలా అని సాధారణ ప్రేమ కథలా ఉండవు ఆయన సినిమాలు. దీంతో ధనుష్ సినిమా కూడా అలానే ఉంటుంది అనుకున్నారంతా. అయితే అది ప్రేమకథ కాదు అంటూ కొన్ని వార్తలు తర్వాత వచ్చాయి. ‘లీడర్‌’ లాంటి సినిమా చేయడానికి శేఖర్‌ కమ్ముల ఆసక్తి చూపిస్తున్నారని, ఇందులో ఈసారి విద్యావ్యవస్థ గురించి ప్రస్తావిస్తారని అన్నారు. అయితే ఇవేవీ కావనేది లేటెస్ట్‌ టాక్‌.
తాజా సమాచారం ప్రకారం ఈ సినిమా మద్రాసు నేపథ్యంలో సాగే పీరియాడికల్‌ డ్రామా అని తెలుస్తోంది. రెండు కాలాలను చూపిస్తూ, అప్పటి పరిస్థితులను, ఇప్పటి పరిస్థితులను కళ్లకు కట్టేలా సినిమా రూపొందిస్తున్నారట. అందుకే ఈ సినిమా కోసం శేఖర్‌ కమ్ముల ధనుష్‌ని సంప్రదించారని సమాచారం. ఇక ఈ సినిమా రెగ్యులర్ షూటింగ్‌ను డిసెంబర్‌లో ప్రారంభిస్తారట. అన్నట్లు ఈ సినిమాలో కథానాయికగా సాయిపల్లవి నటిస్తోందని సమాచారం.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
