Dhanush: ‘తిరు’తో ధనుష్‌ భారీ వసూళ్లు.. ఎంతొచ్చాయంటే?

సగటు కుర్రాడిగా ధనుష్‌ కనిపిస్తే విజయం పక్కానా? రీసెంట్‌ సినిమా ‘తిరు చిత్రాంబళం’ అందుకున్న విజయం చూస్తే ఈ విషయం పక్కాగా అర్థమవుతోంది. అదనపు హంగులు లేకుండా ధనుష్‌ కనిపిస్తే విజయంతోపాటు భారీ వసూళ్లు పక్కా అని మరోసారి నిరూపించింది ‘తిరు చిత్రాంబళం’. ఎందుకంటే ఆ సినిమాకు ప్రపంచవ్యాప్త వసూళ్లు ఇప్పటివరకు రూ. 100 కోట్లు దాటిపోయాయి. దీంతో కోలీవుడ్‌కి ఈ ఏడాది మరో భారీ హిట్‌పడింది అని సంతోషపడుతున్నారు.

ఆగస్టు 18న ఓ మోస్తరు అంచనాలతో విడుదలైంది ‘తిరు చిత్రాంబళం’. ధనుష్ గత సినిమాలు వరుసగా పరాజయం పాలవ్వడంతో.. ఈ సినిమా మీద పెద్దగా అంచనాలు లేవు. ఈ చిత్ర దర్శకుడు మిత్రన్ జవహార్ ఇప్పటిదాకా తీసినవి రీమేక్‌లే కావడంతో ఈ సినిమా మీద అంతగా అంచనాలు ఏర్పడలేదు. సినిమా ప్రచారం విషయంలోనూ టీమ్‌ అంత ఆసక్తిగా కనిపించలేదు. ట్రైలర్ చూస్తే ‘రఘువరన్ బీటెక్’ తరహాలో కనిపించింది. కొత్తగా ఏమీ ఉండదా అనుకుంటుండగా.. రివ్యూలు పాజిటివ్‌గా వచ్చాయి. ఇప్పుడు వసూళ్లు భారీగా వస్తున్నాయి.

తమిళంలో ఈ ఏడాది వచ్చిన సినిమాల్లో ‘విక్రమ్‌’ మినహా మిగిలిన ఏవీ సరిగ్గా ఆడలేదు. దీంతో సరైన సినిమా కోసం తమిళ ప్రేక్షకులు ఎదురు చూస్తున్నారు. ఈ సమయంలో ‘తిరు’ లాంటి సగటు తమిళ సినిమా వచ్చేసరికి థియేటర్లకు క్యూ కట్టారు. దీంతో సినిమా వసూళ్లు సాధారణంగా మొదలై ఇప్పుడు రూ. 100 కోట్లకు చేరాయి. వసూళ్లపరంగా చూస్తే.. ఈ సినిమా ధనుష్ కెరీర్లోనే బిగ్గెస్ట్ హిట్ అయ్యింది.

ఇక ఈ సినిమా విషయానికొస్తే.. ఇందులో ధనుష్ ఫుడ్ డెలివరీ బాయ్‌గా కనిపిస్తాడు. ఓ ఘటన కారణంగా తండ్రితో ధనుష్‌ మాట్లాడకుండా ఉంటాడు. ఈ క్రమంలో అతని జీవితంలోకి నిత్య మేనన్‌, రాశి ఖన్నా, ప్రియా భవానీ శంకర్‌ వస్తారు. వారెవరు, ఎందుకొచ్చారు, ఏం చేశారు, అఖరిగా ఎవరిని పెళ్లి చేసుకున్నాడు అనేది కథ. అన్నట్లు ఈ సినిమా తెలుగులో కూడా విడుదలైంది. ‘సీతారామం’, ‘బింబిసార’, ‘కార్తికేయ 2’ సినిమాల జోరులో సైడైపోయింది.

లైగర్ సినిమా రివ్యూ & రేటింగ్!

Most Recommended Video

‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!