Dhurandhar : పాకిస్తాన్ లో ‘ధురంధర్’ నెం.1..!

ఇటీవల కాలంలో బాలీవుడ్ నుంచి వచ్చిన స్పై యాక్షన్ చిత్రాల్లో ‘ధురంధర్’ ఒక ప్రత్యేక అధ్యాయాన్ని రాసుకుంది. థియేటర్లలో సంచలన విజయాన్ని నమోదు చేసిన ఈ సినిమా, ఇప్పుడు OTT వేదికగా కూడా అదే ఊపును కొనసాగిస్తోంది. గత నెల 30న నెట్ ఫ్లిక్ లో విడుదలైన ‘ధురంధర్’ కేవలం మూడు రోజుల్లోనే 7.6 మిలియన్ల వ్యూస్ సాధించి, ప్రేక్షకుల దృష్టిని పూర్తిగా ఆకర్షించింది. పలు దేశాల్లో టాప్ ట్రెండింగ్‌లో నిలిచిన ఈ చిత్రం, ముఖ్యంగా పాకిస్తాన్‌లో నంబర్-1 స్థానాన్ని దక్కించుకోవడం విశేషంగా మారింది.

Dhurandhar

ఈ సినిమాలో కథానాయకుడిగా రణ్వీర్ సింగ్ తన ఎనర్జీ, డెడికేషన్‌తో మరోసారి తన స్టార్ పవర్‌ను నిరూపించారు. యాక్షన్ సీక్వెన్స్‌లు, ఎమోషనల్ డెప్త్ ఉన్న సన్నివేశాల్లో ఆయన నటనకు ప్రశంసలు వెల్లువెత్తుతున్నాయి. దర్శకుడు ఆదిత్య ధర్ ఈ చిత్రాన్ని అత్యంత గ్రిప్పింగ్‌గా మలిచారు. కథనంలో వేగం తగ్గకుండా, ప్రతి సీన్‌కు స్పష్టమైన ఉద్దేశం ఉండేలా ఆయన తీసిన తీరు సినిమాకు ప్రధాన బలంగా నిలిచింది. దాంతో పాటు అక్షయ్ కన్నా , సంజయ్ దత్ రోల్స్ లో జీవించారు అని చెప్పొచ్చు.

హీరోయిన్ సారా అర్జున్ పాత్ర కూడా కథలో కీలకంగా నిలుస్తుంది. కేవలం గ్లామర్‌కే పరిమితం కాకుండా, కథను ముందుకు నడిపించే బలమైన క్యారెక్టర్‌గా ఆమె నటన ఆకట్టుకుంటుంది. హీరో- హీరోయిన్ మధ్య కెమిస్ట్రీ, భావోద్వేగ సన్నివేశాలు ప్రేక్షకులను మరింతగా కనెక్ట్ చేశాయి. థియేటర్లలో విడుదలైన సమయంలో ‘ధురంధర్’ సుమారు భారీ వసూళ్లు నమోదు చేసి, టికెట్ బుకింగ్ యాప్ బుక్ మై షో లో అత్యధిక టికెట్లు అమ్ముడైన బాలీవుడ్ చిత్రాల జాబితాలో నిలిచింది. ఇప్పుడు OTTలోనూ అదే విజయ పరంపర కొనసాగుతుండటం విశేషం.

ఇక ఈ సినిమా సాధించిన విజయంతో, ‘ధురంధర్’కి కొనసాగింపుగా వచ్చే తదుపరి భాగంపై విడుదల తేదీ మార్చి 19 గా ప్రకటించారు మేకర్స్. రీసెంట్ గా వదిలిన టీజర్ కు మంచి స్పందనే లభించింది. ధురంధర్ 2 అభిమానులకు ఖచ్చితంగా మరో పెద్ద ట్రీట్ అవుతుందనే చెప్పాలి.

Mrunal Thakur: అంతా ఓకే అయింది అన్నారే.. మృణాల్‌ ఠాకూర్‌ ఇలా అంటోంది ఏంటి?