Dhyan Sreenivasan: విజయ్‌కి త్రిష.. నాకు నువ్వు: యాక్టర్‌ షాకింగ్‌ కామెంట్స్‌

ప్రముఖ తమిళ కథానాయకుడు, ప్రస్తుతం తమిళనాడు సీఎం అయిన విజయ్‌ జోసెఫ్‌కి, ప్రముఖ కథానాయిక త్రిషకి మధ్య అవినాభావ సంబంధం ఉంది అనే విషయం అందరికీ తెలిసిందే. ఇద్దరిలో ఎవరూ ఈ విషయంలో అధికారికంగా స్పందించరు. అలా అని అవి పుకార్లు అని కొట్టేయరు కూడా. దీంతో స్నేహితులు అనే అంటుంటారు సినిమా జనాలు, ఇప్పుడు తమిళ ప్రజలు కూడా. అయితే ఈ బంధం విషయంలో మలయాళ నటుడు ధ్యాన్ శ్రీనివాసన్ చేసిన కొన్ని కామెంట్లు ఇప్పుడు వైరల్‌గా మారాయి..

Dhyan Sreenivasan

తన కొత్త సినిమా ‘విజిటర్’ ప్రచారంలో భాగంగా ఏర్పాటు చేసిన ఓ కార్యక్రమంలో ఆయన చేసిన వ్యాఖ్యలు ఇప్పుడు ఇటు తమిళనాట, అటు మలయాళ పరిశ్రమలో సంచలనంగా మారాయి. ఎందుకంటే విజయ్‌ – త్రిష బంధం గురించి ఇంత ఓపెన్‌గా ఓ స్టేజీ మీద మాట్లాడిన సినిమా నటులు ఈ మధ్య లేరు కాబట్టి. రాజకీయ విమర్శలు అయితే ఎప్పుడూ వస్తుండేవే. అయితే ఇక్కడ ధ్యాన్‌ శ్రీనివాస్ ఏదో సరదాకు మాట్లాడినట్లు అనిపిస్తోంది. కానీ పరిస్థితులు అలా లేవు. అందరూ సీరియస్‌గా తీసుకుంటున్నారు.

‘విజిటర్‌’ ప్రచార కార్యక్రమంలో ధ్యాన్‌ శ్రీనివాస్‌ సరదాగా మాట్లాడుతూ సినిమాలో తన సహ నటి నవ్య నాయర్‌ను ఉద్దేశించి మాట్లాడుతూ.. భవిష్యత్తులో నేను కేరళ ముఖ్యమంత్రి అవుతాను. అప్పుడు నువ్వు ప్రమాణ స్వీకార కార్యక్రమంలో ముందు వరుసలో కూర్చోవాలి అని అన్నాడు. అయితే ఇందులో ఎక్కడా విజయ్‌ పేరు, త్రిష పేరు ప్రస్తావించలేదు. కానీ రీసెంట్‌ జరిగింది ఇదే కాబట్టి వారిని ఉద్దేశించే ధ్యాన్‌ అలా మాట్లాడాడు అని అనేస్తున్నారు నెటిజ్లు.

ధ్యాన్ ఇంకా ఏం మాట్లాడాడు అని చూస్తే.. చాలా కాలం తర్వాత మనం కలసి సినిమా చేస్తున్నాం. నవ్యకు పెళ్లయ్యి కొడుకు కూడా ఉన్నాడు. అయినా, నేను సీఎంగా ప్రమాణ స్వీకారం చేసేటప్పుడు.. నవ్య చీర కట్టుకొని కళ్లలో నీళ్లతో ముందు వరుసలో కూర్చుంటుందని ఆశిస్తున్నాను అని అన్నాడు. ఆయన మాటలకు అక్కడున్న వారందరూ నవ్వారు. అయితే నవ్య కూడా అంతే సరదాగా ధ్యాన్ నువ్వు చెప్పినట్టు సీఎం అయినప్పుడు నేను తెల్ల చీరకు పచ్చ బోర్డర్, డైమండ్ నెక్లెస్ వేసుకొని, ముందు వరుసలో కూర్చుంటాను. మరి నాకు ముందు వరుసలో సీటు ఏర్పాటు చేస్తావు కదా అని అంది.

ఈ వీకెండ్..కి ఓటీటీలో ఏకంగా 27 సినిమాలు/సిరీస్ ల సందడి!