Sivakarthikeyan: శివ పంచ్‌.. భుజాలు తడముకుంటున్న ధనుష్‌ ఫ్యాన్స్‌.. ఏమైందంటే?

ఈ ప్రపంచంలో ఎవరూ తెలివి లేని వారు కాదు.. చెప్పాల్సిన విషయాన్ని అన్నిసార్లు స్ట్రయిట్‌గా చెప్పరు. కొన్నిసార్లు ఇన్‌డైరెక్ట్‌గా చెబుతారు. అర్థం చేసుకుంటే అర్థమవుతుంది, లేదంటే వైరల్‌ అయి తర్వాత రచ్చ అవుతుంది. ఇప్పుడు కోలీవుడ్‌లో ఈ టాపిక్‌ గురించే చర్చ జరుగుతోంది. కథానాయకుడు శివకార్తికేయన్‌ (Sivakarthikeyan) చేసిన కొన్ని కామెంట్లు.. తమ హీరో గురించే అంటూ మరో హీరో అభిమానులు ఆగ్రహం చేస్తున్నారు. ఇంతకీ ఏమైందటే..

Sivakarthikeyan

త‌మిళ ఫిలిం ఇండ‌స్ట్రీలో వారసత్వం లేకుండా.. క‌ష్ట‌ప‌డి స్టార్ హీరోగా ఎదిగాడు శివ కార్తికేయ‌న్ ఒక‌డు. విజ‌య్ టీవీలో వీడియో జాకీగా ప‌ని చేసి, ఆ తర్వాత స‌హాయ పాత్ర‌లు చేసి, ఆపై హీరో అయ్యాడు. ఇప్పుడు కోలీవుడ్లో యంగ్‌ స్టార్ల‌లో ఒకడు. కెరీర్ తొలి నాళ్ల‌లో ధనుష్‌ (Dhanush) .. శివ‌కు మంచి స‌పోర్ట్ ఇచ్చాడు అనేది నిజం. శివ కార్తికేయన్‌ హీరోగా ‘ఎదిర్ నీచ్చిల్’ అనే సినిమా నిర్మించాడు కూడా. అయితే, ఏమైందో ఏమో కొన్నేళ్లుగా ధ‌నుష్‌, శివ మ‌ధ్య స్నేహం చెడింది అనే కామెంట్లు వినిపిస్తున్నాయి.

ధనుష్ ప‌ట్ల శివ‌ కృత‌జ్ఞ‌త‌ను చూపించ‌డం లేదని ఫ్యాన్స్ ఆరోపిస్తుంటారు. సంక్రాంతికి ధ‌నుష్ సినిమా ‘కెప్టెన్ మిల్ల‌ర్’.. శివ ‘అయ‌లాన్’ ఒకేసారి వచ్చాయి. అందులో ‘అయలాన్‌’ విజయం సాధించింది. దీంతో ధనుష్‌ మీద శివ కార్తికేయన్‌దే పైచేయి అంటూ ఓ చర్చ కూడా లేవదీశారు. ఈ విషయంలో ఏమైందో అర్థం చేసుకోవడానికి అర్థం కాని పరిస్థితుల్లో శివ‌కార్తికేయ‌న్ తాజాగా ఒక ఈవెంట్లో మాట్లాడుతూ.. ఈ సినిమాతో నేను ఎవ‌రికీ జీవితం ఇవ్వ‌డం లేదు.

సినిమా తీయడం ద్వారా జీవితాల్ని నిల‌బెట్టేశామ‌ని అనుకోకూడదు. గ‌తంలో కొంద‌రు ఇలాగే నా గురించి మాట్లాడి ఇబ్బంది పెట్టారు అని అన్నాడు. అందుకే తాను అలా మాట్లాడ‌న‌ని చెప్పాడు.శివ‌ కార్తికేయ‌న్ ఈ క్రమంలో ఎవ‌రి పేరూ ఎత్త‌క‌పోయినా.. ధ‌నుష్‌ను ఉద్దేశించే ఈ కౌంట‌ర్ వేశాడ‌ని అంటున్నారు. దీంతో ఇలా అనడం సరికాదు అని ధనుష్‌ ఫ్యాన్స్‌ అంటుంటే.. అసలు ధనుష్‌ గురించి అన్నాడు అని మీరెలా చెబుతారు అంటున్నారు. దీంతో ఎందుకు అన్నాడు? కరెక్టే అన్నాడా? అనే చర్చ మొదలైంది.

‘ఇండియన్‌’ సీక్వెల్స్‌ బడ్జెట్‌.. సీనియర్‌ నిర్మాత కీలక వ్యాఖ్యలు..