టాలీవుడ్ ఇండస్ట్రీలో టాలెంట్ తో తనకంటూ ప్రత్యేక గుర్తింపును సొంతం చేసుకున్న హీరోలలో విజయ్ దేవరకొండ (Vijay Devarakonda) ఒకరు. పెళ్లిచూపులు (Pelli Choopulu) , అర్జున్ రెడ్డి (Arjun Reddy), గీతా గోవిందం (Geetha Govindam) , టాక్సీవాలా (Taxiwaala) సినిమాలతో విజయాలను సొంతం చేసుకున్న విజయ్ దేవరకొండకు ఈ మధ్య కాలంలో హీరోగా సరైన సక్సెస్ లేదు. ఫ్యామిలీ స్టార్ (Family Star) సినిమాతో ఈ ఏడాది ప్రేక్షకుల ముందుకు వచ్చిన విజయ్ దేవరకొండ ఆ సినిమాతో ప్రేక్షకులను తీవ్రస్థాయిలో నిరాశకు గురి చేయడం గమనార్హం.
అయితే కల్కి (Kalki 2898 AD) సినిమాలో అర్జునుడి పాత్రలో కనిపించి విజయ్ దేవరకొండ తన నటనతో మెప్పించారు. అయితే కొంతమంది మాత్రం విజయ్ దేవరకొండ డైలాగ్ డెలివరీని ట్రోల్స్ చేశారు. విజయ్ తన సోషల్ మీడియా అకౌంట్స్ కు అర్జునుడి పాత్ర లుక్ ను డీపీగా పెట్టుకుని విమర్శించే వాళ్లకు షాకిచ్చారు. ఎంతమంది ట్రోల్స్ చేసినా తాను అనుకున్న విధంగానే ముందుకెళ్తానని విజయ్ దేవరకొండ చెప్పకనే చెప్పేశారు.
ప్రస్తుతం ఈ విషయం సోషల్ మీడియా వేదికగా వైరల్ అవుతోంది. విజయ్ దేవరకొండ ప్రస్తుతం పలు క్రేజీ ప్రాజెక్ట్ లతో బిజీగా ఉన్నారు. విజయ్ పారితోషికం 20 కోట్ల రూపాయలకు అటూఇటుగా ఉంది. విజయ్ దేవరకొండ బ్యాక్ టు బ్యాక్ విజయాలను సొంతం చేసుకుని మళ్లీ కెరీర్ పరంగా బిజీ కావాలని అభిమానులు కోరుకుంటున్నారు. విజయ్ దేవరకొండ గౌతమ్ తిన్ననూరి కాంబినేషన్ లో ఒక సినిమా తెరకెక్కుతోంది.
ఈ సినిమాకు సంబంధించి త్వరలో మరిన్ని క్రేజీ అప్ డేట్స్ వచ్చే అవకాశాలు అయితే ఉంటాయని చెప్పవచ్చు. విజయ్ దేవరకొండ తర్వాత సినిమాలతో పాన్ ఇండియా హిట్లను అందుకోవాలని ఫ్యాన్స్ భావిస్తున్నారు. విజయ్ దేవరకొండ సరైన ప్రాజెక్ట్ తో పాన్ ఇండియా హిట్ సాధిస్తే ఫ్యాన్స్ సంతోషానికి అవధులు ఉండవు. సోషల్ మీడియాలో సైతం విజయ్ దేవరకొండ ఫ్యాన్ ఫాలోయింగ్ అంతకంతకూ పెరుగుతోంది.
Home