Dil Raju: దిల్ రాజు రిస్క్ చేస్తున్నారా.. ఈ టైంలో తేడా వస్తే?

దిల్ రాజు  (Dil Raju) ఓ కంప్లీట్ బ్లాక్ బస్టర్ కొట్టి.. అంటే ఆయన స్థాయికి తగ్గ బ్లాక్ బస్టర్ కొట్టి చాలా ఏళ్ళు అవుతుంది. ‘ఎఫ్ 2’ (F2 Movie) తర్వాత దిల్ రాజు.. తన బ్యానర్లో భారీ లాభాలు అందుకున్న సినిమా ఏమీ లేదు. ‘వకీల్ సాబ్’ (Vakeel Saab) కి లాక్ డౌన్ అడ్డొచ్చింది, ‘ఎఫ్ 3’ (F3 Movie) అబౌవ్ యావరేజ్ రిజల్ట్ తో సరిపెట్టుకుంది, ‘థాంక్యూ’ (Thank You) డిజాస్టర్ అయ్యింది. ‘వారసుడు’ (Varasudu) సో సో గా ఆడింది.

Dil Raju

ఈ ఏడాది వచ్చిన ‘బలగం’ (Balagam) ఆయన చిన్న బ్యానర్లో రూపొంది పెద్ద సక్సెస్ అందుకున్నా.. ఆ తర్వాత వచ్చిన ‘లవ్ మీ’ పెద్ద డిజాస్టర్ అయ్యింది. అలాగే విజయ్ దేవరకొండ (Vijay Devarakonda) తో చేసిన ‘ది ఫ్యామిలీ స్టార్’ (The Family Star) కూడా డిజాస్టర్ అయ్యింది. ఇటీవల వచ్చిన ‘జనక అయితే గనక’ (Janaka Aithe Ganaka) జస్ట్ యావరేజ్ గా ఆడింది. ఒకప్పుడు దిల్ రాజు పట్టిందల్లా బంగారం అయ్యేది. కానీ ఈ మధ్య అలా కాదు. ఓ రకంగా దిల్ రాజుకి ఇది ఒక కరెక్షన్ పీరియడ్ అనుకోవచ్చు.

ఇప్పుడు మళ్ళీ ఆయన ఉనికిని చాటుకోవాల్సిన పరిస్థితి ఏర్పడింది. ఆయన బ్యానర్లో భారీ బడ్జెట్ తో రూపొందిన ‘గేమ్ ఛేంజర్’ (Game changer) సినిమా సంక్రాంతి కానుకగా జనవరి 10న విడుదల కాబోతుంది. టాక్ తో సంబంధం లేకుండా ఈ సినిమాకి భారీ ఓపెనింగ్స్ వస్తాయి. కానీ పండుగ ముగిశాక రన్ ఉండాలి అంటే.. టాక్ పాజిటివ్ గా రావాలి. ఇది దిల్ రాజు కెరీర్లో 50 వ సినిమా.

మరోపక్క ఇదే సంక్రాంతికి.. వెంకటేష్ (Venkatesh Daggubati) – అనిల్ రావిపూడి (Anil Ravipudi) ..ల ‘సంక్రాంతికి వస్తున్నాం’ సినిమా కూడా విడుదల కానుంది. ఈ 2 సినిమాల్లో ఒకటి కచ్చితంగా ఆడుతుంది. కానీ రెండూ హిట్ అయితేనే దిల్ రాజు ఫామ్లోకి వచ్చినట్టు లెక్క..! చూడాలి మరి ఏమవుతుందో..!