Dil Raju: కూతురి ఆలోచనతో భారీ స్టూడియోను నిర్మించనున్న దిల్ రాజు?

July 5, 2022 / 05:51 PM ISTByFilmy Focus

Join Us

Dil Raju: కూతురి ఆలోచనతో భారీ స్టూడియోను నిర్మించనున్న దిల్ రాజు?

సినిమా ఇండస్ట్రీ లోకి డిస్ట్రిబ్యూటర్ గా అడుగుపెట్టి డిస్ట్రిబ్యూటర్ గా ఎంతో మంచి పేరు సంపాదించుకున్న దిల్ రాజు అనంతరం నిర్మాతగా చిన్నచిన్న సినిమాలను చేస్తూ మంచి విజయాలను అందుకున్నారు. ఈ విధంగా నిర్మాతగా మంచి పేరు సంపాదించుకున్న ఈయన ప్రస్తుతం భారీ బడ్జెట్ సినిమాలను చేస్తూ ఇండస్ట్రీలో నెంబర్ వన్ ప్రొడ్యూసర్ గా పేరు సంపాదించుకున్నారు. ఇలా దిల్ రాజు ప్రొడ్యూసర్ గా, డిస్ట్రిబ్యూటర్ గా ఇండస్ట్రీలో తనదైన శైలిలో దూసుకుపోతున్నారు.

ఇకపోతే హైదరాబాద్ ఇప్పటికే ఫిలిం హబ్ గా మారిపోయింది. ఎన్నో సినిమాలు షూటింగులను జరుపుకుంటూ హైదరాబాద్ లో ఉన్నటువంటి స్టూడియోలు మొత్తం ఎంతో బిజీ బిజీగా ఉండిపోయాయి.ఇప్పటికే అన్నపూర్ణ స్టూడియో రామానాయుడు స్టూడియో సారథి స్టూడియో అంటూ అన్ని స్టూడియోలలో ఎన్నో సినిమా షూటింగులు సీరియల్స్ తో నిత్యం బిజీగా ఉండిపోయాయి. ఈ క్రమంలోనే అల్లు అర్జున్ ఓ చిన్న స్టూడియో లాంచ్ చేయగా,మెగాస్టార్ చిరంజీవి వంటి వారు సైతం స్టూడియో నిర్మించాలని ప్లాన్ చేస్తున్నారు.

ఇకపోతే ప్రొడ్యూసర్ దిల్ రాజ సైతం తన కూతురు హాన్షిత రెడ్డి సలహా మేరకు హైదరాబాదులో భారీ స్టూడియో నిర్మించాలని ప్లాన్ చేస్తున్నారు. హైదరాబాద్ లోనే అతి పెద్ద స్టూడియోగా తమది నిలవాలని త్వరలోనే ఈ స్టూడియో నిర్మాణం చేపట్టనున్నట్లు తెలుస్తోంది. హైదరాబాదులో శంషాబాద్ ఎయిర్ పోర్టు సమీపంలో దిల్ రాజుకు సొంత స్థలం ఉందని అక్కడ భారీ స్టూడియో నిర్మించాలనే ఆలోచనలో దిల్ రాజు ఉన్నట్టు తెలుస్తోంది.

ప్రస్తుతం ఈ వార్త సోషల్ మీడియాలో చక్కర్లు కొట్టగా త్వరలోనే దీనికి సంబంధించిన అధికారిక ప్రకటనను దిల్ రాజు చేయనన్నట్లు సమాచారం. ఇకపోతే ప్రస్తుతం ఈయన రామ్ చరణ్ శంకర్ కాంబినేషన్లో వస్తున్న పాన్ ఇండియా సినిమాని నిర్మిస్తున్నారు. అదేవిధంగా విజయ్, రష్మిక జంటగా వంశీ పైడిపల్లి దర్శకత్వంలో తెరకెక్కుతున్న సినిమాకు నిర్మాతగా వ్యవహరిస్తున్నారు.