దిల్ రాజ్ చేతికి మహేష్ సినిమా

తమిళ స్టార్ డైరక్టర్ ఏఆర్ మురుగదాస్ దర్శకత్వంలో యాక్షన్ థ్రిల్లర్ మూవీ చేస్తున్నసూపర్ స్టార్ మహేష్ బాబు తన తర్వాతి చిత్రాల విషయంలో పక్కా క్లారిటీతో ఉన్నారు. తనకి శ్రీమంతుడు వంటి ఇండస్ట్రీ హిట్ ఇచ్చిన కొరటాల శివ దర్శకత్వంలో ప్రిన్స్ మరోసారి నటించనున్నారు. డీవీవీ దానయ్య నిర్మిస్తున్న ఈ మూవీకి పూజా కార్యక్రమాలు కూడా పూర్తి అయ్యాయి. ఈ సినిమా షూటింగ్ దశలో ఉండగానే సూపర్ స్టార్ 25 వ చిత్రం మొదలుకానుంది. వంశీ పైడిపల్లి దర్శకత్వంలో తెరకెక్కనున్న ఈ మూవీని తొలుత పీవీపీ వారు నిర్మించాలని అనుకున్నారు. కానీ ప్రిన్స్ఆ  బ్యానర్ అంటేనే భయపడుతున్నారు.

ఇదివరకు పీవీపీ బ్యానర్లో చేసిన బ్రహ్మోత్సవం ఘోరంగా ఫెయిల్ అయింది. అందుకే నిర్మాణ సంస్థను మార్చాలని భావించారు. ఆయన మాటకు విలువిచ్చి  పీవీపీ తప్పుకున్నట్లు తాజా సమాచారం. ఈ ప్రాజక్ట్ ని దిల్ రాజు తీసుకున్నట్లు ఫిల్మ్ నగర్ వాసులు చెబుతున్నారు. ఈ నిర్మాత మహేష్ తో సీతమ్మ వాకిట్లో సిరిమల్లె చెట్టు సినిమా నిర్మించారు. వంశీ కూడా బృందావనం, ఎవడు చిత్రాలను దిల్ రాజు ప్రొడక్షన్ లోనే చేశారు. సో ఇటు హీరో, అటు డైరక్టర్ తో మంచి అనుబంధం ఉండడంతో మహేష్ 25వ మూవీని శ్రీ వెంకటేశ్వర క్రియేషన్స్ బ్యానర్లో దిల్ రాజు నిర్మించడం ఖాయం అయింది.

Also, do SUBSCRIBE to our YouTube channel to get latest Tollywood updates.