పవన్ కళ్యాణ్, బాలకృష్ణ, చిరంజీవి లాంటివారు మినహా అందరు అగ్ర హీరోలతో సినిమాలు నిర్మించిన దిల్ రాజు ప్రస్తుతం యువ కథానాయకులపై దృష్టిస్తారిస్తున్నాడు. నాని, శర్వానంద్ లాంటి క్రేజీ స్టార్లతో వరుసబెట్టి సినిమాలు నిర్మిస్తున్న దిల్ రాజు.. తాజాగా నిఖిల్ హీరోగా ఓ సినిమా నిర్మించేందుకు సన్నద్ధమవుతున్నట్లు సమాచారం. ప్రస్తుతం కన్నడ సూపర్ హిట్ సినిమా “కిరిక్ పార్టీ”ని తెలుగులో రీమేక్ చేస్తున్న నిఖిల్ ఆ సినిమా అనంతరం తన ఫ్యావరెట్ డైరెక్టర్ చందు మొండేటి దర్శకత్వంలో ఒక సినిమా చేసేందుకు సిద్ధమవుతున్నాడు. ప్రస్తుతం నాగచైతన్య హీరోగా ‘సవ్యసాచి” చిత్రాన్ని తెరకెక్కిస్తున్న చందు మొండేటి ఆ సినిమా పూర్తవ్వగానే నిఖిల్ హీరోగా తాను తెరకెక్కించే సినిమా స్క్రిప్ట్ వర్క్ మొదలెట్టానున్నాడు.
నిఖిల్ తోపాటు చందు మొండేటి కూడా సక్సెస్ ఫామ్ లో ఉండడంతో ఈ ఇద్దరి దిల్ రాజు నిర్మించబోయే సినిమాపై ఇప్పట్నుంచే భారీ అంచనాలు నమోదవ్వడం ఖాయం. 2018 మార్చి లేదా ఏప్రిల్ నుంచి ఈ సినిమా సెట్స్ కు వెళ్లనుంది.
Home
