Dil Raju: వైరల్ అవుతున్న దిల్ రాజు షాకింగ్ కామెంట్స్!

ప్రముఖ టాలీవుడ్ నిర్మాతలలో ఒకరైన దిల్ రాజు ఈ మధ్య కాలంలో ఏం మాట్లాడినా వివాదాస్పదం అవుతున్న సంగతి తెలిసిందే. వారసుడు సినిమా థియేటర్ల కేటాయింపుకు సంబంధించి దిల్ రాజు విజయ్ పెద్ద హీరో అని విజయ్ సినిమాకు ఎక్కువ థియేటర్లు కేటాయించాలని కోరారని కామెంట్ చేసినట్టు వార్తలు ప్రచారంలోకి వచ్చాయి. అయితే ఈ కామెంట్ల గురించి దిల్ రాజు స్పందించి క్లారిటీ ఇచ్చారు. తాను ఏం మాట్లాడినా వివాదం చేస్తున్నారని ఆయన కామెంట్లు చేస్తున్నారు.

ప్రతిదీ వివాదం అవుతుండటంతో ఏం మాట్లాడాలన్నా తనకు భయం వేస్తోందని దిల్ రాజు చెప్పుకొచ్చారు. కోలీవుడ్ స్టార్ హీరోలలో ఒకరు ఎక్కువని మరొకరు తక్కువని నేను ఎందుకు మాట్లాడతానని దిల్ రాజు ప్రశ్నించారు. ఒక ఛానల్ కు నేను ఇంటర్వ్యూ ఇచ్చానని ఆ ఇంటర్వ్యూను పూర్తిగా చూసి తనపై కామెంట్ చేయాలని ఆయన తెలిపారు. సగం సగం వీడియోలు చూసి మాట్లాడవద్దంటూ దిల్ రాజు చేసిన కామెంట్లు ప్రస్తుతం హాట్ టాపిక్ అవుతున్నాయి.

దిల్ రాజు స్పష్టత ఇచ్చిన నేపథ్యంలో ఇకనైనా ఈ వివాదం చల్లారుతుందేమో చూడాల్సి ఉంది. దిల్ రాజు తన గురించి జరుగుతున్న నెగిటివ్ ప్రచారం విషయంలో చాలా ఫీలవుతున్నారని సమాచారం అందుతోంది. తాను వివాదాస్పద వ్యాఖ్యలు చేయలేదని ఆయన చెబుతున్నారు. మరోవైపు ఈ స్టార్ ప్రొడ్యూసర్ బలగం పేరుతో కొత్త బ్యానర్ లో ఒక సినిమాను నిర్మించడానికి సిద్ధమయ్యారు.

దిల్ రాజు ప్రొడక్షన్స్ పేరుతో ఈ బ్యానర్ ను ఏర్పాటు చేశారు. ఇప్పటికే శ్రీ వెంకటేశ్వర క్రియేషన్స్ బ్యానర్ ఉండగా దిల్ రాజు మరో బ్యానర్ ను ఎందుకు ఏర్పాటు చేశారనే ప్రశ్నకు సమాధానం దొరకాల్సి ఉంది. తనపై హీరోలలో, ఇతర నిర్మాతలలో పెరుగుతున్న వ్యతిరేకతను దిల్ రాజు ఎలా అధిగమిస్తారో చూడాల్సి ఉంది.

గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!

ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!