Dil Raju: వాళ్లకు భయపడి దిల్ రాజు అలా చెప్పారా?

July 19, 2022 / 07:59 PM ISTByFilmy Focus

Join Us

Dil Raju: వాళ్లకు భయపడి దిల్ రాజు అలా చెప్పారా?

ప్రముఖ టాలీవుడ్ ప్రొడ్యూసర్లలో ఒకరైన దిల్ రాజుకు ప్రేక్షకుల్లో ఉన్న క్రేజ్, ఫ్యాన్ ఫాలోయింగ్ అంతాఇంతా కాదు. మరో 48 గంటల్లో దిల్ రాజు నిర్మించిన థాంక్యూ మూవీ థియేటర్లలో విడుదల కానుంది. ఇప్పటివరకు ఈ సినిమాకు అడ్వాన్స్ బుకింగ్స్ మొదలుకాలేదు. యూత్ లో ఈ సినిమాపై భారీస్థాయిలో అంచనాలు నెలకొనగా బాక్సాఫీస్ వద్ద థాంక్యూ సినిమా ఎలాంటి ఫలితాన్ని అందుకుంటుందో చూడాల్సి ఉంది. అయితే తాజాగా టాలీవుడ్ ప్రొడ్యూసర్స్ గిల్డ్ సభ్యుల సమావేశం జరగగా ఈ సమావేశంలో షూటింగ్ లను బంద్ చేయాలని నిర్ణయాలు తీసుకున్నారని వార్తలు ప్రచారంలోకి వచ్చాయి.

అయితే తాజాగా దిల్ రాజు మాట్లాడుతూ షూటింగ్ ల బంద్ గురించి చర్చే జరగలేదని కామెంట్లు చేశారు. అయితే దిల్ రాజు ఈ విధంగా కామెంట్ చేయడం వెనుక అసలు కారణం వేరే ఉందని సమాచారం అందుతోంది. షూటింగ్ లను ఆపివేస్తే నిర్మాతల నుంచి వ్యతిరేకత వ్యక్తమయ్యే అవకాశాలు అయితే ఉంటాయని చెప్పవచ్చు. హీరోలకు తనపై వ్యతిరేకత రాకూడదనే ఆలోచనతోనే దిల్ రాజు మాట మార్చారని కామెంట్లు వ్యక్తమవుతున్నాయి.

దిల్ రాజు మాట మార్చడం వెనుక ఏదో బలమైన కారణం ఉందని ఇండస్ట్రీ వర్గాల్లో జోరుగా వినిపిస్తుండటం గమనార్హం. మరోవైపు దిల్ రాజు సినిమాల నిర్మాణం విషయంలో ఆచితూచి వ్యవహరిస్తున్నారని తెలుస్తోంది. దిల్ రాజు నిర్మాతగా భవిష్యత్తు ప్రాజెక్ట్ లతో కూడా కళ్లు చెదిరే లాభాలు దక్కేలా జాగ్రత్త పడుతున్నారు. ఇప్పటికే ఓకే చేసిన స్క్రిప్ట్ లను సైతం దిల్ రాజు పెండింగ్ లో పెట్టారని తెలుస్తోంది.

సినిమాల ద్వారా టాలీవుడ్ ఇండస్ట్రీలో దిల్ రాజు స్థాయిలో లాభాలను సొంతం చేసుకున్న మరో నిర్మాత అయితే లేరనే చెప్పాలి. తర్వాత ప్రాజెక్ట్ లు కూడా సక్సెస్ ను సొంతం చేసుకుంటే దిల్ రాజు రేంజ్ మరింత పెరుగుతుందని చెప్పవచ్చు.