దిల్ రాజు ఈ పేరు గురించి పెద్దగా పరిచయం అవసరం లేదు.తెలుగు సినిమా ఇండస్ట్రీలో డిస్ట్రిబ్యూటర్ గా తన కెరియర్ మొదలుపెట్టి అనంతరం చిన్న చిన్న సినిమాలకు నిర్మాతగా వ్యవహరించారు. నిర్మాతగా ఎంతో మంచి గుర్తింపు పొందిన ఈయన ప్రస్తుతం వందల కోట్ల బడ్జెట్ కేటాయిస్తూ భారీ బడ్జెట్ సినిమాలను చేస్తున్నారు.దిల్ రాజు ఒక సినిమాకు గ్రీన్ సిగ్నల్ ఇచ్చారంటే ఆ సినిమా బాక్స్ ఆఫీస్ వద్ద విజయాన్ని అందుకుంటుందనే నమ్మకం ఉంటేనే ఆయన సినిమా చేస్తారు.
దిల్ రాజు ఇలాంటి జడ్జిమెంట్ వల్లే ఆయన సక్సెస్ ఫుల్ ప్రొడ్యూసర్ గా ఇండస్ట్రీలో కొనసాగుతున్నారు. తాజాగా దిల్ రాజు నిర్మాణంలో విక్రమ్ కే కుమార్ దర్శకత్వంలో నాగచైతన్య నటించిన థాంక్యూ సినిమా ఈనెల 22వ తేదీ విడుదల కానుంది.ఈ క్రమంలోనే చిత్ర బృందం పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. తాజాగా ఈ సినిమా నుంచి ట్రైలర్ కూడా విడుదల చేశారు.ఇక ఈ ట్రైలర్ లాంచ్ కార్యక్రమంలో భాగంగా నిర్మాత దిల్ రాజు మాట్లాడుతూ నాగచైతన్య గురించి అక్కినేని ఫ్యామిలీ గురించి పలు ఆసక్తికరమైన విషయాలు తెలియజేశారు.
ఈ సందర్భంగా దిల్ రాజు మాట్లాడుతూ థాంక్యూ సినిమాలో నాగచైతన్య 3 వేరియేషన్లలో మనకు కనపడతారు.అయితే ఒక్కో వేరియేషన్ లో నాగచైతన్య ఒక్కో అమ్మాయితో ప్రేమలో పడటం వల్ల ఈ సినిమాలో ముగ్గురు హీరోయిన్లు ఉన్నారు అంటూ తెలిపారు. అయిన అక్కినేని హీరోయిన్లకు ఒక హీరోయిన్ సరిపోదు తప్పకుండా ఇద్దరు ముగ్గురు హీరోయిన్లు ఉండాలి అంటూ ఈయన కామెంట్ చేయడంతో ఒక్కసారిగా అక్కడ కేకలు వినబడ్డాయి. అక్కినేని నాగేశ్వరరావు గారి దగ్గర నుంచి నాగార్జున, చైతన్య, అఖిల్ వరకు ఒక్కో సినిమాలో ఇద్దరు లేదా ముగ్గురు హీరోయిన్లు ఉండాల్సిందే అంటూ దిల్ రాజు కామెంట్స్ చేయడం గమనార్హం.
ఇక నాగార్జున సినీ కెరియర్లో శివ నిన్నే పెళ్ళాడుతా వంటి సినిమాలు ఎలా గుర్తింపు తెచ్చాయో నాగచైతన్య సినీ కెరియర్ లో థాంక్యూ సినిమా కూడా అలాగే తనకు గుర్తు తీసుకువస్తుంది అంటూ దిల్ రాజు ఈ సినిమా గురించి చేసిన ఈ వ్యాఖ్యలు సినిమాపై మరిన్ని అంచనాలను పెంచాయి. ప్రస్తుతం ఈ కామెంట్స్ వైరల్ అవుతున్నాయి.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
