Dil Raju Son: దిల్ రాజు కొడుకు పేరులో ఉన్న ప్రత్యేకత ఇదే!

July 13, 2022 / 06:02 PM ISTByFilmy Focus

Join Us

Dil Raju Son: దిల్ రాజు కొడుకు పేరులో ఉన్న ప్రత్యేకత ఇదే!

ప్రముఖ టాలీవుడ్ నిర్మాతలలో ఒకరైన దిల్ రాజు కెరీర్ లో ఎన్నో హిట్ సినిమాలు ఉన్నాయి. తక్కువ బడ్జెట్ తో సినిమాలను తెరకెక్కించి భారీ బ్లాక్ బస్టర్ హిట్లను సొంతం చేసుకున్న నిర్మాతలలో దిల్ రాజు ఒకరు. ఫ్యామిలీ ప్రేక్షకులకు నచ్చే కథాంశాలతో దిల్ రాజు నిర్మించిన ఈ సినిమాలు అన్ని వర్గాల ప్రేక్షకులను ఆకట్టుకున్నాయి. దిల్ రాజు మొదట భార్య అనిత చనిపోగా దిల్ రాజు మళ్లీ పెళ్లి చేసుకున్న సంగతి తెలిసిందే.

దిల్ రాజు రెండో భార్య పేరు వైఘారెడ్డి కాగా కొన్నిరోజుల క్రితం వైఘారెడ్డి పండంటి మగబిడ్డకు జన్మనిచ్చారు. దిల్ రాజు కొడుకుకు అన్వై రెడ్డి అని నామకరణం చేయబోతున్నారని ఇండస్ట్రీ వర్గాల్లో వినిపిస్తోంది. తన మొదటి భార్య పేరులోని మొదటి అక్షరం అ, రెండో భార్య పేరులోని మొదటి అక్షరం వై కలిసేలా దిల్ రాజు ఈ పేరును ఫిక్స్ చేశారని సమాచారం అందుతోంది. కొడుకు పుట్టడంతో దిల్ రాజు ఆనందానికి అవధులు లేకుండా పోయాయి.

మరోవైపు దిల్ రాజు ఈ ఏడాది డిస్ట్రిబ్యూటర్ గా పలు భారీ బడ్జెట్ సినిమాలతో విజయాలను సొంతం చేసుకోగా ఎఫ్3 సినిమాతో నిర్మాతగా కూడా విజయం సొంతమైంది. మరికొన్ని రోజుల్లో దిల్ రాజు బ్యానర్ లో తెరకెక్కిన థాంక్యూ మూవీ థియేటర్లలో రిలీజ్ కానుంది. ఈ సినిమాపై భారీస్థాయిలో అంచనాలు నెలకొన్నాయి. నాగచైతన్య ఖాతాలో ఈ సినిమా హిట్ గా నిలుస్తుందని ఫ్యాన్స్ భావిస్తున్నారు.

దిల్ రాజు చరణ్, విజయ్ లతో పాన్ ఇండియా సినిమాలను నిర్మిస్తుండగా ఈ సినిమాలపై కూడా మంచి అంచనాలు నెలకొన్నాయి. వచ్చే ఏడాది ఈ సినిమాలు థియేటర్లలో విడుదల కానున్నాయి. ఈ రెండు సినిమాలు 200 కోట్ల రూపాయలకు పైగా బడ్జెట్ తో తెరకెక్కుతుండటం గమనార్హం. దిల్ రాజు నిర్మాతగా మరెన్నో విజయాలను సొంతం చేసుకోవాలని అభిమానులు మనస్పూర్తిగా కోరుకుంటున్నారు.