చిరంజీవి సినిమా ‘భోళా శంకర్‌’ వస్తోంది… ఇంకేముంది థియేటర్లలో పండగే అనుకుంటున్నారా? ఆ మాటకొస్తే చిరంజీవి కూడా టీజర్‌లో ఇదే మాట చెప్పారు. అయితే లైవ్‌లో పరిస్థితి ఇంకోలా ఉంది. అవును చిరంజీవికి ఆగస్టు 11న సరైన థియేటర్లు దొరికే పరిస్థితి ఉంటుందా? లేదా? అనేలా మారింది. ఈ మాట మేం చెప్పేది కాదు. టాలీవుడ్ వర్గాల్లో వినిపిస్తున్న మాట ఇది. దీనికి కారణం అదే టైమ్‌లో రాబోతున్న రజనీకాంత్‌ ‘జైలర్’.
ఏంటీ చిరు సినిమా కాకుండా రజనీ సినిమాకు థియేటర్ల వాళ్లు ఓకే చెబుతున్నారా? అనే డౌటానుమానం రావొచ్చు. వాళ్లు ముందుకు రావడం లేదు. ఓ బజ్‌ ఉన్న సినిమా కావాలి అంటే ఈ సినిమా తీసుకోవాల్సిందే అని మెలిక పెడుతున్నారట. ఈ మేరకు టాలీవుడ్ సినిమాల పంపిణీ రంగంలో చర్చ నడుస్తోంది. నిఖిల్‌ హీరోగా తెరకెక్కిన ఇంట్రెస్టింగ్‌ మూవీ ‘స్పై’తో దిల్ రాజు గేమ్‌ ప్లే చేస్తున్నారు అని అంటున్నారు.
వైజాగ్ ఏరియాలో (Dil Raju) దిల్ రాజు ఈ స్ట్రాటజీ వాడుతున్నారు అని చెబుతున్నారు. ఇందులో నిజానిజాలు తెలియదు కానీ.. గతంలో ‘ఆచార్య’ సమయంలో ఇలాగే జరగడంతో ఈసారి కూడా జరిగే అవకాశం ఉంది అని అనుకుంటున్నారు. జూన్‌ 29న ‘స్పై’ సినిమాను రిలీజ్ చేస్తున్నారు. ఆ సినిమా కావాలంటే.. ఆగస్టు 11న వచ్చే ‘జైలర్’ను తీసుకోవాల్సిందే అంటున్నారని టాక్‌ నడుస్తోంది. అయితే ఇదెంతవరకు సాధ్యం అనేది తెలియడం లేదు.
ఆ లెక్కన ‘స్పై’ సినిమాకు వచ్చే మంచి స్క్రీన్స్‌, థియేటర్లు ‘జైలర్’ సినిమాకు పడతాయి అనుకోవచ్చు. అప్పుడు ‘భోళా శంకర్‌’కు మంచి థియేటర్లు దొరకడం కష్టం. అయితే చిరంజీవి సినిమా కాబట్టి ఎలాంటి ఇబ్బందులు లేకుండా థియేటర్లు పంచుకుంటారా అనేది చూడాలి. ఇక ఈ సినిమా సంగతికొస్తే.. శనివారం విడుదల చేసిన టీజర్‌కు మంచి స్పందన వస్తోంది. తెలంగాణ యాసలో చిరంజీవి డైలాగ్‌లు, లుక్‌, గ్రేస్‌, స్క్రీన్‌ ప్రజెన్స్‌ అదిరిపోయాయి అని ఫ్యాన్స్‌ అంటున్నారు.
అశ్విన్స్ సినిమా రివ్యూ & రేటింగ్!
ఆ హీరోయిన్లలా ఫిట్ నెస్ కంటిన్యూ చేయాలంటే కష్టమే?
తన 16 ఏళ్ళ కెరీర్లో కాజల్ రిజెక్ట్ చేసిన సినిమాల లిస్ట్..!
Home