సక్సెస్ రేటు ఎక్కువగా ఉన్న బడా నిర్మాతలలో దిల్ రాజు ఒకరు. ఆయన ఎలాంటి సినిమా చేసినా కూడా బాక్సాఫీస్ వద్ద మినిమమ్ హిట్ లేదా సేఫ్ జోన్ లో కలెక్షన్స్ అందుకునేలా రిలీజ్ చేస్తారు. ఆయన కెరీర్ లో బిగ్గెస్ట్ డిజాస్టర్ అనేవి చాలా తక్కువ. ఇక ప్రస్తుతం మైత్రి మూవీ మేకర్స్ హవా నడుస్తున్న తరుణంలో దిల్ రాజు తన SVSC ప్రొడక్షన్ ను కూడా అంతకుమించి అనేలా రెడీ చేస్తున్నాడు.
దిల్ రాజు ఒక తమిళ దర్శకుడిని మరొక తమిళ్ హీరోను సెట్ చేసుకున్న విషయం తెలిసిందే. స్టార్ డైరెక్టర్ శంకర్ తో రామ్ చరణ్ సినిమాను నిర్మించనున్న దిల్ రాజు ఆ సినిమాను 150కోట్ల బారి బడ్జెట్ తో తెరకెక్కించనున్నాడట. శంకర్, రామ్ చరణ్ లకే దాదాపు సగానికి పైగా రెమ్యునరేషన్ కే వెళ్లిపోతుంది. ఇక విజయ్ – వంశీ పైడిపల్లితో చేయనున్న సినిమా కోసం కూడా 170కోట్ల వరకు ఖర్చు చేయనున్నారట.
విజయ్ రెమ్యునరేషనే 90కోట్ల వరకు అవుతున్నట్లు సమాచారం. ఈ విధంగా దిల్ రాజు కోలీవుడ్ కు సంబంధించిన వారికోసం మొదటిసారి 300కోట్లకు పైగా ఖర్చు చేస్తున్నాడు. ఇంతవరకు 100కోట్ల బడ్జెట్ లో సినిమాను టచ్ చేయని రాజు గారు మొదటిసారి అంతకుమించి అనేలా ఆ రెండు ప్రాజెక్టుల కోసం ఖర్చు చేయబోతున్నట్లు తెలుస్తోంది. మరి ఆ ఆర్థిక లావాదేవీలను దిల్ రాజు ఎలా తట్టుకుంటాడో చూడాలి. త్వరలోనే విజయ్ – వంశీ పైడిపల్లి ప్రాజెక్ట్ పై అఫీషియల్ గా క్లారిటీ ఇవ్వనున్నట్లు సమాచారం.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
