దిల్ రాజు టాలీవుడ్లో సక్సెస్ ఫుల్ ప్రొడ్యూసర్. దాదాపు 20 ఏళ్లుగా ఆయన టాప్ ప్రొడ్యూసర్ గా రాణిస్తున్నారు అంటే మాటలు కాదు. దిల్ రాజు సినిమా అంటే జనాలకి గట్టి నమ్మకం ఉంటుంది. టాలీవుడ్లో రూపొందే చాలా సినిమాల షూటింగ్ పార్ట్ కంప్లీట్ అయ్యాక.. వాటి మేకర్స్ దిల్ రాజుకి స్పెషల్ షోలు వేసి చూపిస్తూ ఉంటారు. ఆయన ఏమైనా కరెక్షన్స్ చెబితే వాటిని సీరియస్ గా తీసుకుని మార్పులు చేసుకుంటూ ఉంటారు.
దిల్ రాజు డిస్ట్రిబ్యూట్ చేసే సినిమాల పై కూడా జనాల ఫోకస్ ఉంటుంది. ఆయన రిలీజ్ చేసిన ఎన్నో సినిమాలు బ్లాక్ బస్టర్స్ అయిన సందర్భాలు ఉన్నాయి. పెద్ద సినిమాలు అయితే చాలా వరకు సేఫ్ అయిన సందర్భాలు కూడా ఉన్నాయి. ఇదిలా ఉండగా.. ఈ సంక్రాంతికి దిల్ రాజు రిలీజ్ చేసిన పెద్ద సినిమా ‘గుంటూరు కారం’. అయితే నిన్న రిలీజ్ అయిన ఈ సినిమాకి మిక్స్డ్ టాక్ వచ్చింది.
అయినప్పటికీ టాక్ తో సంబంధం లేకుండా మొదటి రోజు భారీ కలెక్షన్స్ ని సాధించింది ఈ సినిమా. ఈ క్రమంలో దిల్ రాజు, నిర్మాత నాగ వంశీ…లు ఓ ప్రెస్ మీట్ పెట్టారు. ఇందులో దిల్ రాజు మాట్లాడుతూ.. ” నెగిటివ్ రెస్పాన్స్ వచ్చిన తర్వాత.. అదే ఫీల్లో కొంత మంది ప్రేక్షకులు ఆ సినిమాకి వెళ్లి చూశాక.. వాటికి పాజిటివ్ రెస్పాన్స్ చెప్పిన సందర్భాలు అనేకం ఉన్నాయి.
అవి బ్లాక్ బస్టర్స్ అయిన సందర్భాలు కూడా ఉన్నాయి. పండుగ ముగిసిన తర్వాత కలెక్షన్స్ ను బట్టి.. హిట్ సినిమానా కాదా అనేది జనాలకి తెలుస్తుంది. అప్పటివరకు ఏమీ మాట్లాడదలుచుకోలేదు. ‘గుంటూరు కారం’ చాలా ఏరియాల్లో బాగా పికప్ అవుతుంది. ఫ్యామిలీ ఆడియన్స్ ఈ సినిమాని (Guntur Kaaram) ఆదరిస్తారు అనే నమ్మకం ఉంది” అంటూ ఆశాభావం వ్యక్తం చేశారు దిల్ రాజు.
గుంటూరు కారం సినిమా రివ్యూ & రేటింగ్!
హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!
Home