నానితో కాకుండా నితిన్ తో చేసి ఉపయోగం ఏంటి దిల్ రాజు..!

March 22, 2023 / 12:06 AM ISTByFilmy Focus

Join Us

నానితో కాకుండా నితిన్ తో చేసి ఉపయోగం ఏంటి దిల్ రాజు..!

నాని మంచి ఫామ్లో ఉన్నప్పుడు ‘ఎం.సి.ఎ’ అనే చిత్రం చేశాడు. దిల్ రాజు నిర్మించిన ఈ చిత్రానికి ‘వకీల్ సాబ్’ ఫేమ్ వేణు శ్రీరామ్ దర్శకుడు. ఈ సినిమాకి మిక్స్డ్ రిపోర్ట్స్ వచ్చాయి. కానీ బాక్సాఫీస్ వద్ద మాత్రం.. నాని కెరీర్లోనే హైయెస్ట్ కలెక్షన్స్ ను సాధించింది. ఫుల్ రన్లో ఈ మూవీ రూ.40 కోట్ల షేర్ ను రాబట్టింది. టాక్ బాగుంటే ఈ మూవీ ఇంకా బాగా కలెక్ట్ చేసుండేది అనేది వాస్తవం.

అయితే ఈ చిత్రానికి సీక్వెల్ రెడీ చేశాడు దర్శకుడు వేణు. దిల్ రాజుకి కూడా ఈ ఐడియా నచ్చింది. నానితోనే చేస్తున్నట్లు ఇండస్ట్రీలో టాక్ నడుస్తుంది. ఇందులో మాత్రం నాని – భూమిక అక్కా తమ్ముడిగా కనిపిస్తారని తెలుస్తుంది. అయితే ఇప్పుడు నాని ఇంకో రెండు సినిమాలకు కమిట్ అయ్యాడు. మరోపక్క వేణు శ్రీరామ్ రెండేళ్లుగా ఖాళీగా ఉన్నాడు. నాని కమిట్ అయిన సినిమాలు కంప్లీట్ అవ్వడానికి ఇంకో 6 నుండి 8 నెలలు టైం పెట్టొచ్చని వినికిడి.

అందుకే వేణు… నితిన్ తో సినిమా చేయడానికి రెడీ అయ్యాడు. దిల్ రాజే ఈ చిత్రాన్ని నిర్మించబోతున్నారు. ఇంకో విచిత్రం ఏంటి అంటే.. నితిన్ కూడా రెండు సినిమాలకు కమిట్ అయ్యాడు. వక్కంతం వంశీ దర్శకత్వంలో ఓ సినిమా చేస్తున్న సంగతి తెలిసిందే. అలాగే మైత్రి బ్యానర్లో వెంకీ కుడుముల డైరెక్షన్లో కూడా ఓ సినిమా చేయబోతున్నాడు. మరి వేణు శ్రీరామ్ తో చేసే సినిమా పై అధికారిక ప్రకటన రావాల్సి ఉంది.