ఈ మధ్య కాలంలో సినిమాల ప్రమోషన్స్ లో భాగంగా నిర్వహిస్తున్న ప్రెస్ మీట్లలో.. కొంతమంది రిపోర్టర్లు అడిగే ప్రశ్నలు చాలా అభ్యంతరకరంగా, అలాగే అసభ్యకరంగా ఉంటున్నాయి. ఆ టైంలో నటీనటులు ఏమీ అనలేక తర్వాత సోషల్ మీడియాలో ఖాతాల్లో రియాక్ట్ అవుతుండటం మనం చూస్తూనే ఉన్నాం. తాజాగా ఏర్పాటు చేసిన ‘రామబాణం’ ప్రమోషన్స్ లో హీరోయిన్ డింపుల్ హయాతిని ఓ సీనియర్ రిపోర్టర్.. ‘ ‘రామబాణం’ సినిమా ట్రైలర్లో మీ రోల్ వల్గర్ గా అనిపించింది.
దానికి మీరేమంటారు’ అంటూ ప్రశ్నించాడు. దీంతో (Dimple Hayathi) డింపుల్ ఒక్కసారిగా షాక్ లోకి వెళ్ళిపోయింది. ఆమెకు చెప్పాలో అర్థం కాని టైంలో దర్శకుడు శ్రీవాస్ కలుగచేసుకుని కొంచెం ఫార్మల్ ఆన్సర్ ఇచ్చి కవర్ చేశాడు. ఆ తర్వాత డింపుల్ కూడా ‘మీకు అలా ఎందుకు అనిపించిందో నాకు అర్థం కావడం లేదు’ అన్నట్టు చెప్పి అక్కడితో ఆ టాపిక్ ని వదిలేసింది. అలా అని ఆమె ఈ విషయాన్ని అంత ఈజీగా వదిలిపెట్టలేదు.
‘వల్గారిటీ అంటే ఏంటి?’ అంటూ గూగుల్ లో సెర్చ్ చేసినట్టు ఓ స్క్రీన్ షాట్ ను తన ఇన్స్టాగ్రామ్లో స్టేటస్ గా పెట్టింది. గతంలో ‘డీజే టిల్లు’ సినిమా ప్రమోషన్స్ కూడా ఆ రిపోర్టర్ హీరోయిన్ నేహా శెట్టి లిప్ కిస్ ల గురించి అలాగే పుట్టుమచ్చల గురించి ప్రశ్నలు అడిగి షాకిచ్చాడు. తర్వాత ఆ హీరోయిన్ కూడా సోషల్ మీడియాలో అతని గురించి అభ్యంతరం వ్యక్తం చేస్తూ కామెంట్లు పెట్టింది.
అలాగే ఇటీవల సాయి ధరమ్ తేజ్ ‘విరూపాక్ష’ ప్రమోషన్స్ లో.. తేజ్, సంయుక్త మధ్య రొమాంటిక్ సీన్స్ కారణంగా ‘ఎ’ సర్టిఫికెట్ ఇచ్చారా అంటూ ప్రశ్నించాడు. దానికి తేజ్ కూడా చాలా సున్నితంగా కౌంటర్ ఇచ్చాడు. ఏది ఏమైనా ఆ రిపోర్టర్ మరోసారి హాట్ టాపిక్ గా నిలిచాడు. పుట్టగొడుగుల్లా పుట్టుకొస్తున్న యూట్యూబ్ ఛానల్స్ ఇక నుండి అతను ఏం మాట్లాడినా దానినే ఫోకస్ చేసే అవకాశం ఉంది. అయితే హీరోయిన్ డింపుల్ హయాతి షేర్ చేసిన స్క్రీన్ షాట్ ఇప్పుడు వైరల్ గా మారింది.
విరూపాక్ష సినిమా రివ్యూ & రేటింగ్!
గత 10 సినిమాల నుండి సాయి ధరమ్ తేజ్ బాక్సాఫీస్ పెర్ఫార్మన్స్ ఎలా ఉందంటే..?
శాకుంతలం పాత్రలో నటించిన హీరోయిన్ లు వీళ్లేనా?
కాంట్రవర్సీ లిస్ట్ లో ఆ సినిమా కూడా ఉందా?
