రవితేజ నో చెప్పడంతో, తానే హీరోగా మారాలని డిసైడ్ అయ్యాడట

ఈమధ్యకాలంలో అనవసరంగా వార్తల్లో ప్రాచుర్యం సంపాదించుకొన్న వ్యక్తుల్లో అజయ్ భూపతి ఒకడు. “ఆర్ ఎక్స్ 100” సినిమాతో సెన్సేషనల్ హిట్ సొంతం చేసుకొన్న అజయ్ భూపతి ఆ సక్సెస్ ను కొన్నాళ్లపాటు బాగానే ఎంజాయ్ చేశాడు కానీ.. ఎందుకనో సెకండ్ సినిమా మాత్రం ఇప్పటివరకు సెట్ అవ్వలేదు. రామ్ చరణ్, నాగార్జున, వెంకటేష్ అంటు చాలా మంది స్టార్ హీరోలకు కథలు చెప్పినప్పటికీ.. ఎవరూ ఒకే చేయలేదు. ఆఖరికి ఒకే చేసిన రవితేజ కూడా కారణాంతరాల వలన సినిమా నుంచి తప్పుకోవడం, నాగచైతన్య ఇంట్రెస్ట్ చూపిస్తున్నా, ఇప్పటివరకూ ఒకే చెప్పకపోవడంతో బాగా ఫ్రస్ట్రేషన్ లో.. ఇద్దరు మెయిన్ లీడ్స్ ప్లే చేయాల్సిన పాత్రల్లో ఒకటి సిద్ధార్ట్ చేయడానికి రెడీగా ఉండడంతో.. రెండో లీడ్ గా తాను నటించాలని ఆలోచిస్తున్నాడట.

ఈమాత్రం జాప్యానికి అజయ్ భూపతి ఈ విధంగా కంగారుపడడం అనేది సరైన పద్ధతి కాదనేది కొందరి అభిప్రాయం. అజయ్ భూపతి ఇలా స్టార్ హీరోల కోసం వెయిట్ చేసేకంటే.. ఒకవేళ మంచి కథ ఉంది అంటే హ్యాపీగా కొత్తవాళ్లతో మరో కొత్త సినిమా తీయడం చాలా బెటర్.