Balayya Babu: డైరెక్టర్ ను బాలయ్య ఇంతలా నమ్ముతారా.. ఏం జరిగిందంటే?

August 22, 2023 / 07:29 PM ISTByFilmy Focus

Join Us

Balayya Babu: డైరెక్టర్ ను బాలయ్య ఇంతలా నమ్ముతారా.. ఏం జరిగిందంటే?

టాలీవుడ్ స్టార్ హీరోలలో ఒకరైన బాలకృష్ణ దర్శకుల హీరో అనే సంగతి తెలిసిందే. జయాపజయాలకు అతీతంగా బాలయ్య కథను నమ్మి దర్శకులకు ఛాన్స్ ఇచ్చిన సందర్భాలు ఎన్నో ఉన్నాయి. కొంతమంది దర్శకులు బాలయ్య నమ్మకాన్ని నిలబెట్టుకుంటే మరి కొందరు దర్శకులు మాత్రం బాలయ్య నమ్మకాన్ని వమ్ము చేశారు. ఒక ఇంటర్వ్యూలో బి.గోపాల్ మాట్లాడుతూ బాలయ్య గురించి షాకింగ్ విషయాలను వెల్లడించారు. నాకు బడ్జెట్ విషయంలో నిర్మాతలు ఎవరూ ఇబ్బంది పెట్టలేదని ఆయన కామెంట్లు చేశారు.

ఖర్చు విషయంలో ఎవరూ విమర్శలు చేయలేదని బి.గోపాల్ పేర్కొన్నారు. ఇంద్ర విషయంలో అశ్వనీదత్ బాగా నమ్మారని ఆయన చెప్పుకొచ్చారు. సమరసింహారెడ్డి సినిమాతో సుమోలు లేవడం మొదలైందని ఆయన చెప్పుకొచ్చారు. ధర్మ మాస్టర్ సుమోలు లేపడం గురించి ఐడియా ఇచ్చారని బి.గోపాల్ పేర్కొన్నారు. సమరసింహారెడ్డి ముందు నేను తీసిన సినిమాల్లో కొన్ని సినిమాలు ఫ్లాప్ అయ్యాయని ఆయన తెలిపారు. స్ట్రీట్ ఫైటర్, గ్యాంగ్ మాస్టర్, మరికొన్ని సినిమాలు ఫ్లాప్ అయ్యాయని ఆయన తెలిపారు.

మళ్లీ పెద్ద హీరోతో సినిమా చేయగలనా అనే సమయంలో (Balayya Babu) బాలయ్య నన్ను నమ్మి సమరసింహారెడ్డి సినిమాకు ఛాన్స్ ఇచ్చారని బాలయ్యకు అరగంట మాత్రమే కథ చెప్పానని బి.గోపాల్ అన్నారు. సమరసింహారెడ్డి డెవలప్ చేసిన తర్వాత కూడా బాలయ్య కథ వినలేదని బి.గోపాల్ పేర్కొన్నారు. బాలయ్య బాబును నేను లైఫ్ లో మరిచిపోలేనని బాలయ్య బాబు వల్లే తర్వాత భారీ సినిమాలు చేయడం సాధ్యమైందని బి.గోపాల్ చెప్పుకొచ్చారు.

బి.గోపాల్ వెల్లడించిన విషయాలు సోషల్ మీడియాలో వైరల్ అవుతున్నాయి. బాలయ్య గొప్పదనం గురించి బి.గోపాల్ చెప్పిన విషయాలను బాలయ్య ఫ్యాన్స్ సోషల్ మీడియా వేదికగా వైరల్ చేస్తున్నారు. బాలయ్య బి.గోపాల్ కాంబినేషన్ లో రాబోయే రోజుల్లో మరో సినిమా రానుందని సమాచారం అందుతోంది. సినిమా సినిమాకు బాలయ్య మార్కెట్ భారీ స్థాయిలో పెరుగుతోంది.