Naveen Polishetty: ‘జాతిరత్నం’ కొత్త సినిమా ఇదేనట

మహేష్‌బాబుకు వెంకీ కుడుముల ఓ కథ చెప్పాడని చాలా రోజుల క్రితం వార్తలొచ్చాయి. అయితే ఆ తర్వాత ఏమైందనేది తెలియలేదు. మహేష్‌ ఓకే చేశాడా, మార్పులు చెప్పడా లాంటివి బయటకు రాలేదు. అయితే ఇప్పడు వెంకీ కుడుములతో మహేస్‌ ఓ సినిమా చేస్తున్నాడట. అయితే హీరోగా కాదు.. ప్రొడ్యూసర్‌గా. అవును మహేష్‌ ప్రొడ్యూసర్‌గా వరుసగా రెండోసారి వేరే హీరోతో సినిమా చేస్తున్నాడు. హీరో ఎవరో మీకు ఇప్పటికే అర్థమైపోయుంటుంది. ఆ.. అతనే నవీన్‌ పొలిశెట్టి.

‘జాతిరత్నాలు’ హిట్ తర్వాత నవీన్‌ పొలిశెట్టి ఇప్పుడు టాలీవుడ్‌లో హాట్‌ టాపిక్‌ అయిపోయాడు. చాలామంది అతనితో సినిమాలు చేయడానికి ముందుకొస్తున్నారట. అందులో మహేష్‌బాబు కూడా ఉన్నారట. ‘వన్‌ నేనొక్కడినే’లో మహేష్‌, నవీన్‌ కలసి నటించిన విషయం తెలిసిందే. ఆ అనుబంధమో, స్నేహం వల్ల నవీన్‌తో మహేష్‌ సినిమా చేస్తున్నాడట. దానికి వెంకీ కుడుముల దర్శకత్వం వహిస్తాడని టాక్‌. ‘ఛలో’, ‘భీష్మ’తో ఆకట్టుకున్న వెంకీ ఎలాంటి కథతో వస్తాడో చూడాలి. మహేష్‌ బాబు నిర్మాతగా మారి చాలా రోజులైనా అన్నీ సొంత సినిమాలే చేసుకుంటూ వచ్చాడు.

తొలిసారిగా అడివి శేష్‌తో ‘మేజర్‌’ నిర్మిస్తున్నాడు. ఈ సినిమా చిత్రీకరణ శరవేగంగా సాగుతోంది. ఇప్పుడు నవీన్‌ పొలిశెట్టితో సినిమాకు ముందుకొచ్చాడు. ఈ క్రమంలో మరో సినిమా చేసే ఆలోచన కూడా ఉన్నాడట మహేష్‌. మరి ఆ హీరో ఎవరనేది తెలియాల్సి ఉంది.

Most Recommended Video

రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!