ఈసారి లేట్ చేయకూడదనుకొన్నాడేమో..!

ప్రస్తుతం దిల్ రాజు బ్యానర్ లో “ఎం.సి.ఎ”, మేర్లపాక గాంధీ దర్శకత్వంలో “కృష్ణార్జున యుద్ధం” సినిమాలు చేస్తే యమ బిజీగా ఉన్న నాని తన తదుపరి సినిమాని ఫైనలైజ్ చేశాడు. “నేను శైలజ”తో సూపర్ హిట్ కొట్టిన కిషోర్ తరుమల నాని తాజా చిత్రానికి దర్శకత్వం వహించే అద్భుతావకాశాన్ని సొంతం చేసుకొన్నాడని తెలుస్తోంది. మైత్రీ మూవీ మేకర్స్ ఈ చిత్రాన్ని నిర్మించనున్నారు.

“సెకండ్ హ్యాండ్” అంటూ తెలుగులో సెకండ్ సినిమాతో (అప్పటికే తమిళంలో ఒక సినిమా తీశాడు) తనకంటూ ప్రత్యేకమైన గుర్తింపు తెచ్చుకొన్న కిషోర్ తిరుమల చాలా ఏళ్ళు కష్టపడి రాసుకొన్న స్క్రిప్ట్ తో “నేను శైలజ” సినిమా తీసి సూపర్ హిట్ కొట్టాడు. ఆ సినిమా తర్వాత నిజంగానే కిషోర్ వెంట అగ్ర నిర్మాతలు పరుగులు తీశారు, వెంకటేష్ హీరోగా సినిమా ఎనౌన్స్ మెంట్ కూడా అయిపోయింది. కానీ.. ఏమయ్యిందో తెలియదు కానీ సినిమా సెట్స్ కు వెళ్లకుండానే ఆగిపోయింది. దాంతో రెండేళ్లు వెయిట్ చేసి మళ్ళీ తనకు సూపర్ హిట్ ఇచ్చిన “రామ్” హీరోగా “ఉన్నది ఒకటే జిందగీ” చిత్రాన్ని ప్రారంభించాడు. ఈ శుక్రవారం సినిమా ప్రేక్షకుల ముందుకు రాబోతోంది. ఒకసారి చేసిన తప్పు మళ్ళీ రిపీట్ అవ్వకూడదు అన్న ఉద్దేశ్యంతోనే నాని సినిమాని జనవరి నుంచి సెట్స్ కు తీసుకోచ్చేందుకు సన్నాహాలు చేస్తున్నాడు.