1986 వ సంవత్సరంలో వచ్చిన ‘విక్రమ్’ చిత్రంతో హీరోగా పరిచయమయ్యాడు నాగార్జున.అక్కినేని నాగేశ్వర రావు కొడుకుగా ఇండస్ట్రీకి ఎంట్రీ ఇచ్చిన సొంత టాలెంట్ తో స్టార్ హీరోగా ఎదిగాడు. క్లాస్, మాస్, ఫ్యామిలీస్ అనే తేడా లేకుండా అన్ని వర్గాల ప్రేక్షకులను ఆకట్టుకున్నాడు నాగ్.ఇప్పటివరకు ఆయన 50వ సినిమాని కానీ .. 75వ సినిమాని కానీ హైలెట్ చేసుకోలేదు. దీంతో ఆయన 100వ సినిమాకి ఇంకా చాలా టైం ఉందని అంతా అనుకున్నారు.
కానీ గెస్ట్ రోల్స్, పక్క భాషల్లో చేసిన సినిమాలు.. అన్నీ కలుపుకుని 99 సినిమాలు అయ్యాయి. ‘ఘోస్ట్’ ఆయనకి 99 వ సినిమా. ‘బంగార్రాజు’ సినిమా విడుదల టైంలో 100వ సినిమా ప్రస్తావన వస్తే, ఆ లెక్కలు విషయంలో త్వరలోనే క్లారిటీ ఇస్తాను అని నాగార్జున తెలిపారు. ఇప్పుడు సైలెంట్ గా ఆయన 100వ సినిమాకు సంబంధించిన పనులు మొదలైనట్టు వినికిడి. మెగాస్టార్ చిరంజీవి తో ‘గాడ్ ఫాదర్’ సినిమా చేస్తున్న దర్శకుడు మోహన్ రాజా ..
ఆ తర్వాత నాగార్జున తో సినిమా చేయడానికి రెడీ అవుతున్నట్టు తెలుస్తుంది. ఇటీవల నాగార్జునను కలిసిన మోహన్ రాజా… ఆయనకు ఓ కథ వినిపించగా..దానికి నాగ్ ఇంప్రెస్ అయ్యి ఓకే చెప్పినట్లు తెలుస్తుంది. కొన్ని మార్పులు కూడా సూచించినట్లు సమాచారం. ‘ది ఘోస్ట్’ తరువాత నాగార్జున.. మోహన్ రాజా దర్శకత్వంలో సినిమా మొదలు పెట్టే అవకాశాలు ఎక్కువగా ఉన్నట్లు తెలుస్తుంది. అన్నీ అనుకున్నట్లు జరిగితే ఈ సినిమాలో అఖిల్ కూడా భాగం కానున్నట్టు ప్రచారం జరుగుతుంది. మరి ఇందులో ఎంతవరకు నిజముందో తెలియాల్సి ఉంది.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
Home