సీనియర్ స్టార్ డైరెక్టర్ గుణశేఖర్ ఒకప్పుడు చాలా గొప్ప సినిమాలు తీసి బ్లాక్ బస్టర్లు అందుకున్నాడు. ఇప్పటికీ గొప్ప సినిమాలు తీస్తున్నాడు. కానీ అవి ఆడటం లేదు. ‘చూడాలని ఉంది’ సినిమా విడుదలయ్యాక టాలీవుడ్ కు మరో మణిరత్నం దొరికాడు అని అంతా భావించారు. ఎందుకంటే.. గుణశేఖర్ సినిమాల్లో టెక్నికల్ వాల్యూస్ ఆ రేంజ్లో ఉండేవి. 20 ఏళ్ళ క్రితం వచ్చిన ‘ఒక్కడు’ సినిమాలో బెస్ట్ సి.జి.వర్క్ చేశారు. ఈ విషయాన్ని గుణశేఖర్ ‘శాకుంతలం’ ప్రమోషన్స్ లో తెలియజేశారు.
అయితే ఈ మధ్య గుణశేఖర్ (Gunasekhar) తీస్తున్న సినిమాల్లో స్క్రీన్ ప్లే అనేది ఆకట్టుకునేలా ఉండటం లేదు అనే కంప్లైంట్ ఉంది. అందుకే టాలీవుడ్ హీరోలు ఈయనకి అవకాశాలు ఇవ్వడం లేదు అని కూడా చాలా మంది అనుకుంటున్నారు. బహుశా అది మనసులో పెట్టుకునో ఏమో కానీ .. ‘శాకుంతలం’ ప్రమోషన్స్ లో టాలీవుడ్ హీరోలకు చురకలంటించాడు గుణశేఖర్. ‘శాకుంతలం’ లో దుష్యంతుడి పాత్ర కోసం టాలీవుడ్ హీరోలను ఎందుకు సంప్రదించలేదు అనే ప్రశ్న గుణశేఖర్ కు ఎదురైంది.
దీనికి అతను సమాధానం ఇస్తూ.. ” ఈ పాత్ర చేయడానికి మన హీరోలు ఒప్పుకోరు అనే ఉద్దేశంతోనే ఇక్కడ ఎవ్వరినీ సంప్రదించలేదు. బాలీవుడ్లో అయితే అక్కడ ఆమిర్ ఖాన్, సల్మాన్ ఖాన్ వంటి స్టార్లు గెస్ట్ రోల్స్ చేయడానికి సందేహించరు. సినిమా సక్సెస్ కు తాము కారణం అవుతామంటే హ్యాపీగా చేయడానికి ముందుకు వస్తారు. తెలుగులో కూడా సీనియర్ ఎన్టీఆర్.. సహాయ నటులుగా నటించి సినిమా సక్సెస్ లో భాగం అయ్యారు.
కానీ ఇప్పుడున్న తెలుగు హీరోలు మెరుగవ్వాలి. నేను అడిగి వాళ్ళ చేత నో అనిపించుకోవడం నాకు ఇష్టం లేదు. ఒకవేళ వాళ్ళు చేస్తాం అన్నా డేట్స్ కోసం తిరగాలి. అదే దేవ్ మోహన్ అయితే ‘హ్యాపీగా ఏడాది డేట్స్ కావాలన్నా తీసుకోండి’ అన్నాడు. నాకు అలాంటి నటుడు కావాలి. అందుకే అతన్ని ఎంపిక చేసుకున్నాను” అంటూ గుణశేఖర్ చెప్పుకొచ్చాడు.
రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!
ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!
