దర్శకుడు కృష్ణవంశీ చాలా కాలం తరువాత ‘రంగమార్తాండ’ సినిమాతో ప్రేక్షకుల ముందుకు రాబోతున్నారు. ప్రకాష్ రాజ్, రమ్యకృష్ణ, బ్రహ్మానందం లాంటి తారలు నటించిన ఈ సినిమా కొన్ని రోజుల్లో విడుదల కానుంది. ఈ సినిమా రెడీ అయిపోవడంతో కృష్ణవంశీ తన నెక్స్ట్ సినిమాపై వర్క్ చేస్తున్నారు. తన డ్రీమ్ ప్రాజెక్ట్ ‘అన్నం’ కథను తెరకెక్కించడానికి రెడీ అవుతున్నారు. ఫుడ్ మాఫియా కాన్సెప్ట్ తో ఈ సినిమా రూపొందనుంది. తన కెరీర్ లో ఇదొక మెమొరబుల్ చిత్రంగా నిలిచిపోతుందని భావిస్తున్నారు కృష్ణవంశీ.
అయితే ఈ సినిమా కథ చెప్పడానికి స్టార్ హీరో కావాలి. చిన్న హీరోలతో ఈ కథ చెబితే జనాల్లో రీచ్ ఉండదు. అందుకే ఓ స్టార్ హీరోను ఈ సినిమా కోసం తీసుకోవాలనుకుంటున్నారు. చిరంజీవి, బాలకృష్ణ లాంటి సీనియర్ హీరోలకు ఈ కథ బాగా సూట్ అవుతుందట. ఈ ఇద్దరిలో ఒకరిని ఫైనల్ చేయాలని చూస్తున్నారు కృష్ణవంశీ. చిరంజీవితో ఈ క్రియేటివ్ డైరెక్టర్ కి మంచి రిలేషన్ ఉంది. ‘రంగమార్తాండ’ సినిమాకి చిరంజీవి వాయిస్ ఓవర్ అందించిన సంగతి తెలిసిందే.
అదే సమయంలో ‘అన్నం’ పాయింట్ ని కూడా వినిపించారట కృష్ణవంశీ. కథ పూర్తయితే వింటానని చెప్పారట చిరు. అలానే బాలయ్యకు కూడా స్టోరీ వినిపించాలనుకుంటున్నారు కృష్ణవంశీ. నిజానికి బాలయ్య హీరోగా ‘రైతు’ అనే సినిమా తీయాలనుకున్నారు కృష్ణవంశీ. కానీ సెట్ అవ్వలేదు. ఇప్పుడు ‘అన్నం’ కథ బాలయ్య ఓకే చేస్తే ఆయనతోనే సినిమా చేసే ఛాన్స్ ఉంది. కెరీర్ పరంగా చిరు, బాలయ్య ఇద్దరూ చాలా బిజీగా ఉన్నారు. కృష్ణవంశీ తన కథతో వారిని మెప్పిస్తే.. ఇద్దరిలో ఎవరో ఒకరు సెట్ అయ్యే ఛాన్స్ ఉంది.
Most Recommended Video
ఈ 10 మంది దర్శకులతో కనుక గోపీచంద్ సినిమాలు తీస్తే.. యాక్షన్ మూవీ లవర్స్ కు పండగే..!
డిజాస్టర్ టాక్ తో కూడా రూ.70 కోట్లు పైగా కలెక్ట్ చేసిన 10 సినిమాల లిస్ట్..!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
