Mahesh Babu: ‘విక్రమ్‌’ కోసమా.. కొత్త సినిమా కోసమా?

వెరైటీ కాంబినేషన్‌లను సెట్‌ చేసుకోవడానికి మహేష్‌ బాబు బాగా ఇష్టపడుతుంటారు. అందుకనే మాస్‌ సినిమాలతోపాటు వెరైటీ సినిమాలు కూడా చేస్తుంటాడు. ఈ క్రమంలో కోలీవుడ్‌ దర్శకులతో కూడా సినిమా చేయడానికి ముందుకొస్తుంటాడు. ఇప్పుడు మరోసారి అలాంటి ప్రయత్నమే చేస్తున్నారని సమాచారం. దీనికి కారణం కోలీవుడ్‌ యువ దర్శకుడు లోకేశ్‌ కనగరాజ్‌ కలవడమే. కొన్ని రోజుల క్రితమే హైదరాబాద్‌ వచ్చిన లోకేశ్‌.. మహేష్‌ను కలిశారు అని చెబుతున్నారు. మహేశ్‌ – లోకేశ్‌ మీటింగ్‌పై ఇప్పటివరకు ఎక్కడా అధికారిక సమాచారం లేదు.

అయితే వీరి భేటీ మాత్రం కచ్చితంగా జరిగింది అని చెబుతున్నారు. లోకేశ్‌ గత సినిమాలు, ఇప్పుడు విడుదల కాబోతున్న ‘విక్రమ్‌’ ఫుటేజ్‌ చూసి.. అతనితో సినిమా చేయాలని మహేష్‌బాబు అనుకోవడమే ఈ భేటకి కారణమంటున్నారు. ఇద్దరి మధ్య సినిమా గురించి చర్చ అయితే సాగింది కానీ, ఇంకా ఎలాంటి నిర్ణయం తీసుకోలేదు అని చెబుతున్నారు. లోకేశ్‌ సినిమా అంటే ఫుల్‌ రగ్‌డ్‌ ఉంటూనే క్లాస్‌ లుక్‌ ఉంటుంది. ‘మాస్టర్‌’లో అలాంటి టచ్‌ చూశాం.

ఇప్పుడు మహేష్‌తో కూడా అలాంటి సినిమా ఒకటి వస్తే బాగుంటుంది అని అనుకుంటున్నారు ఫ్యాన్స్‌. మరి వాళ్లు అనుకున్నది అవుతుందా? మహేష్‌ సినిమా చేస్తాడా అనేది చూడాలి. ఎందుకంటే మహేష్‌ ప్రస్తుతం కుటుంబంతో వెకేషన్‌లో ఉన్నాడు. వచ్చాక త్రివిక్రమ్‌ సినిమా మొదలుపెడతారు. అదెప్పుడు అనేది ఇంకా క్లారిటీ రాలేదు అనుకోండి. త్రివిక్రమ్‌ సినిమా అయిన వెంటనే రాజమౌళి సినిమా ఉంటుంది అని చెబుతున్నారు.

ఆ సినిమా మొదలైతే మహేష్‌ మనకు కనీసం రెండు, మూడేళ్లు అందుబాటులో ఉండడు. కాబట్టి చేస్తే గీస్తే రాజమౌళి సినిమాకు ముందే లోకేశ్‌తో సినిమా చేయాలి. అయితే ఇప్పుడు లోకేశ్‌ విజయ్‌ 67వ సినిమా పనిలో ఉన్నాడు. ప్రీ ప్రొడక్షన్‌ వర్క్‌ వేగంగా సాగుతోంది. అదయ్యాక కానీ మహేష్‌ సినిమా ఉండదు. అన్నట్లు రామ్‌చరణ్‌తో కూడా ఓ సినిమా ఉంది అని ఆ మధ్య అన్నారు. ఇక లోకేశ్‌ – కమల్‌ హాసన్‌ల విక్రమ్‌ జూన్‌ 3న విడుదల కాబోతోంది.

సర్కారు వారి పాట సినిమా రివ్యూ & రేటింగ్!

Most Recommended Video

‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!