టాలీవుడ్ లో విభిన్న సినిమాలను తెరకెక్కించి దర్శకుడిగా మంచి పేరు సంపాదించుకున్నారు ప్రశాంత్ వర్మ. తాజాగా ఓ ఛానెల్ కి ఇచ్చిన ఇంటర్వ్యూలో ఒక సీనియర్ హీరో తనను ఎలా అవమానించారనే విషయాలను చెప్పుకొచ్చారు ఈ యంగ్ డైరెక్టర్. అసలు విషయంలోకి వస్తే.. ప్రశాంత్ వర్మ చదువులో, స్పోర్ట్స్ లో ఎప్పుడూ ముందుండేవారు. కానీ సినిమాల మీద ఇంట్రెస్ట్ తో దర్శకుడు అవుదామని ఇండస్ట్రీకి వచ్చాడు. ఈ క్రమంలో తను ఎదుర్కొన్న ఒకట్రెండు చేదు అనుభవాల గురించి వివరించారు.
అసిస్టెంట్ డైరెక్టర్ గా అవకాశం కోసం ఓ దర్శకుడి దగ్గరకు వెళితే.. చాలా సేపు వెయిట్ చేయించుకొని ఆ తరువాత తనతో మంచినీళ్లు తెప్పించుకోవడం వంటి పనులు చేయించుకున్నారని ప్రశాంత్ వర్మ చెప్పారు. ఇంతచదువు చదువుకొని ఇలాంటి పనులు చేయాల్సి వస్తుందే అని చాలా బాధ కలిగేదని వివరించారు. అయితే ఇంతకంటే ఓ పెద్ద హీరో అవమానించిన తీరుని ఎప్పటికీ మర్చిపోలేనని చెప్పుకొచ్చారు. ఓ పెద్ద హీరోకి కథ చెబుదామని ఇంటికి వెళ్తే.. బయట వెయిట్ చేయమని చెప్పారట.
ఈలోగా వర్షం మొదలైందట. తలెత్తి పైకి చూస్తే ఆ హీరో కిటికీలో నుండి తననే చూస్తూ ఉన్నాడట. కనీసం లోపాలకి పిలవకుండా గేటు బయట వర్షంలో నిలబెట్టిన ఆ హీరోపై ఎంతో కోపం వచ్చిందని.. ఆ తరువాత నియంత్రించుకొని అతడికి వెళ్లి కథ చెప్పి.. సినిమా కూడా చేశాయని చెప్పుకొచ్చారు. ప్రశాంత్ వర్మ దర్శకుడిగా మూడు సినిమాలే చేశారు. అందులో ‘అ!’ హీరోయిన్ ఓరియెంటెడ్ సినిమా, ‘కల్కి’ సినిమాలో రాజశేఖర్ నటించారు. ‘జాంబీరెడ్డి’లో యంగ్ హీరో తేజ సజ్జా చేశారు. మరి వీటిల్లో ప్రశాంత్ వర్మను అవమానించిన ఆ సీనియర్ హీరో ఎవరో ఈపాటికే మీకు అర్ధమై ఉంటుంది!
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
Home