స్టార్ డైరెక్టర్ రాజమౌళి (S. S. Rajamouli) ఒక సినిమా కోసం పడే కష్టం అంతాఇంతా కాదు. నూటికి నూరు శాతం సక్సెస్ రేట్ ఉన్న టాలీవుడ్ దర్శకుడు ఎవరనే ప్రశ్నకు ఎలాంటి సందేహం అవసరం లేకుండా రాజమౌళి పేరును సమాధానంగా చెప్పవచ్చు. బాహుబలి సినిమా బడ్జెట్ తో 95 శాతం ఈ సినిమా ఫిల్మ్ ప్రొడక్షన్ కోసమే ఖర్చు చేశారట. ఈ సినిమా కోసం ఎక్కడెక్కడ ఖర్చు తగ్గించవచ్చో అన్ని ప్రయత్నాలు చేశారట.
మహాబలేశ్వర్ లో షూట్ కోసం విమానంలో చిత్ర బృందం వెళ్లాల్సి వస్తే చిత్ర యూనిట్ అంతా ఎకానమీ క్లాస్ లోనే ప్రయాణించడం కొసమెరుపు. ఈ సినిమా యూనిట్ మొత్తం ఒక సాధారణ లాడ్జ్ లోనే బస చేసింది. ఈ సినిమా దర్శకుడు రాజమౌళి అయితే కనీస వసతులు కూడా లేని రూమ్ లో ఉన్నారట. ఈ సినిమా ఖర్చును తగ్గించడానికి షూటింగ్ జరిగినన్ని రోజులు ప్రొడక్షన్ హౌస్ శాకాహారమే భోజనంగా తీసుకుందట.
ఇన్ని జాగ్రత్తలు తీసుకున్నా అప్పటివరకు ఏ తెలుగు సినిమాకు ఖర్చు కాని స్థాయిలో బాహుబలి (Baahubali) సినిమా కోసం ఖర్చైంది. బాహుబలి హిందీ రిలీజ్ కోసం కరణ్ జోహార్ ను (Karan Johar) సంప్రదించగా కథ, టేకింగ్ చూసి ఈ సినిమాను అక్కడి ప్రేక్షకుల ముందుకు తెచ్చేందుకు కరణ్ జోహార్ సుముఖత వ్యక్తం చేశారు. బాహుబలి1 సినిమాకు మొదట కొంతమేర నెగిటివ్ టాక్ వచ్చినా నెమ్మదిగా కలెక్షన్లు పుంజుకున్నాయి.
బాహుబలి2 (Baahubali 2) సినిమా రికార్డ్ స్థాయిలో కలెక్షన్లను సాధించి కలెక్షన్ల పరంగా సరికొత్త మార్క్ ను సృష్టించింది. స్టార్ డైరెక్టర్ రాజమౌళి సినిమా కోసం ఇంత కష్టపడతారా అని ఇంత సింపుల్ గా ఉంటారా అని తెలిసి నెటిజన్లు ఒకింత ఆశ్చర్యానికి గురవుతున్నారు. రాజమౌళి లాంటి దర్శకులు చాలా కొంతమంది మాత్రమే ఉంటారని నెటిజన్లు అభిప్రాయం వ్యక్తం చేస్తున్నారు. బాహుబలి కోసం జక్కన్న పడిన కష్టం తెలిస్తే మాత్రం హ్యాట్సాఫ్ అనాల్సిందేనని చెప్పవచ్చు.
Home