మెగా ఫ్యాన్స్ కి ఆ అదృష్టం లేనట్టేనా..!

April 24, 2020 / 08:31 PM ISTByFilmy Focus

Join Us

మెగా ఫ్యాన్స్ ఆసక్తిగా ఎదురుచూస్తున్న అతిపెద్ద కాంబినేషన్ చిరంజీవి మరియు చరణ్ ల మల్టీస్టారర్. ఆచార్య సినిమాతో అది సాకారం కానుందని తెలియడంతో ఫ్యాన్స్ అందరూ చాలా ఆనందపడుతున్నారు. ఆచార్య సినిమాలో చరణ్ నటిస్తున్నాడు, అనేది కేవలం పుకారు మాత్రమే అని అనుకుంటున్న తరుణంలో చిరంజీవితో పాటు, దర్శకుడు కొరటాల శివ కూడా స్పష్టత ఇవ్వడం జరిగింది. కాకపోతే ఇది సాధ్యం కావాలంటే ఆర్ ఆర్ ఆర్ డేట్స్ అడ్జస్ట్ కావడంతో పాటు, రాజమౌళి అనుమతి ఇవ్వాలని చెప్పడం జరిగింది.

రాజమౌళి కూడా దీనిపై సానుకూలంగా ఉండంతో ఇక చిరు- చరణ్ ల మల్టీస్టారర్ లాంఛనమే అనుకున్నారందరూ.. ఐతే తాజా సమాచారం ప్రకారం ఈ కాంబినేషన్ సెట్ అయ్యే సూచనలు లేవని వార్తలు వినిపిస్తున్నాయి. అనుకున్నట్లు అంతా సవ్యంగా జరిగితే ఆర్ ఆర్ ఆర్ డేట్స్ సవరించడం పెద్ద కష్టమేమి కాదు. కానీ లాక్ డౌన్ కారణంగా ఓ నెల రోజులు షూటింగ్స్ కి బ్రేక్ పడింది. దానికి తోడు మే నుండైనా షూటింగ్స్ పునఃప్రారంభమయ్యే సూచనలు కనిపించడం లేదు.

Director Rajamouli shocks Ram Charan1

దీనితో రాజమౌళి ఆచార్య కొరకు చరణ్ డేట్స్ ఇవ్వడం కుదరని పని అని చెప్పినట్లు తెలుస్తుంది. దీనితో దర్శకుడు కొరటాల శివ కూడా వేరే హీరోని వెతికే పనిలో ఉన్నట్లు సమాచారం. ఆయన టు టైర్ హీరోలలో ఫార్మ్ అండ్ ఫేమ్ కలిగిన నాని లేదా విజయ్ దేవరకొండను తీసుకోవాలి అని కూడా చూస్తున్నాడట. దీనితో మెగా ఫ్యాన్స్ ఆశ నెరవేరడం కష్టమే అన్న మాట వినిపిస్తుంది.