సల్మాన్, ప్రభాస్ సినిమాపై క్లారిటీ ఇచ్చిన డైరక్టర్

బాహుబలి సినిమాతో ప్రభాస్ ఇండియన్ స్టార్ గా ఎదిగారు. బాలీవుడ్ హీరోలతో సమానంగా నార్త్ లో పాపులారిటీ సంపాదించుకున్నారు. అందుకే అతనితో సినిమా చేయడానికి బాలీవుడ్ డైరక్టర్లు ఆసక్తికనబరుస్తున్నారు. అయితే ప్రభాస్ మాత్రం తెలుగులో చేయాల్సిన సినిమాలను పూర్తి చేసే పనిలో ఉన్నారు. సుజీత్ దర్శకత్వంలో సాహో సినిమా కోసం సిద్ధమవుతున్నారు. ఈ సమయంలో సోషల్ మీడియాలో ఓ వార్త వైరల్ అయింది.

బాలీవుడ్ హీరో సల్మాన్ ఖాన్, ఇండియన్ స్టార్ ప్రభాస్ తో కలిసి మల్టీ  స్టారర్ మూవీని బాలీవుడ్ డైరక్టర్ రోహిత్ శెట్టి తెరకెక్కించనున్నట్లు న్యూస్ సోషల్ మీడియాలో హల్ చల్ చేసింది. దీనిపై ఈరోజు డైరక్టర్ స్పందించారు. సల్మాన్, ప్రభాస్ తో కలిసి సినిమా తాను చేయడం లేదని స్పష్టం చేశారు. ఈ రూమర్ ఎలా పుట్టిందో తనకి తెలియదని వివరణ ఇచ్చారు. దీంతో ఈ గాసిప్ కి ఇంతటితో చెక్ పడింది.

Also, do SUBSCRIBE to our YouTube channel to get latest Tollywood updates.