బ్లాక్బస్టర్ సినిమా ఇచ్చిన హీరోకు తర్వాతి సినిమా కోసం ఎంత ఒత్తిడి ఉంటుంది, అలాగే ఆ సినిమా చేసిన దర్శకుడికి ఎలాంటి ఒత్తిడి ఉంటుంది అని చూస్తే.. దర్శకుడి మీదే ఎక్కువ ప్రెజర్ అని చెప్పాలి. ఎందుకంటే హిట్ తర్వాత ఆయన చేయబోయే హీరో మీద ఉన్న అంచనాలు కూడా యాడ్ అవుతాయి కాబట్టి. ఇప్పుడు అలాంటి స్వీట్ ప్రెజర్ ఫేస్ చేస్తున్న దర్శకుడు సందీప్ రెడ్డి వంగా. ‘యానిమల్’ (Animal) లాంటి బ్లాక్బస్టర్ హిట్ కొట్టిన సందీప్ రెడ్డి వంగా (Sandeep Reddy Vanga) ..
తన తర్వాతి సినిమాగా ‘స్పిరిట్’ (Spirit) చేస్తానని ఇప్పటికే చెప్పేశారు. ప్రభాస్ (Prabhas) హీరోగా రూపొందున్న ఈ సినిమా ప్రీప్రొడక్షన్ వర్క్ ఇప్పుడు జరుగుతోంది. అయితే ‘యానిమల్’కి సీక్వెల్గా ‘యానిమల్ పార్క్’ ఉంటుంది అని ఇప్పటికే సందీప్ అనౌన్స్ చేయడం.. ‘స్పిరిట్’ పనుల విషయంలో అప్డేట్ లేకపోవడంతో ‘ఏది ముందు?’ అనే చర్చ మొదలైంది. తాజాగా ఈ విషయంలో సందీప్ రెడ్డి వంగానే (Sandeep Reddy Vanga) క్లారిటీ ఇచ్చారు.
‘అర్జున్ రెడ్డి’ (Arjun Reddy) సినిమాతో మాస్ డైరెక్టర్గా మారిపోయారు సందీప్ రెడ్డి వంగా. అదే కథను ‘కబీర్ సింగ్’గా హిందీలో రీమేక్ చేసి అక్కడా సంచలన విజయం అందుకున్నారు. ‘యానిమల్’ సినిమా విజయం తర్వాత సందీప్ నెక్స్ట్ మూవీస్ మీద భారీ అంచనాలు ఏర్పడ్డాయి. ఈ క్రమంలో వచ్చే నాలుగేళ్లను రెండు సినిమాల కోసం కేటాయిస్తున్నట్లు ప్రకటించి క్లారిటీ ఇచ్చారు సందీప్.
ప్రభాస్తో ‘స్పిరిట్’ సినిమా కోసం ప్రీ ప్రొడక్షన్ పనుల్లో బిజీగా ఉన్నామని సందీప్ తెలిపారు. వచ్చే ఏడాది ఈ సినిమా మొదలుపెడతామని, రిలీజ్ కావడానికి రెండేళ్లు పడుతుందని సందీప్ క్లారిటీ ఇచ్చారు. ఆ తర్వాత రణబీర్ కపూర్ ‘యానిమల్ పార్క్’ చేస్తానని చెప్పారు. దాని కోసం మరో రెండేళ్లు అని తెలిపారు. ఆ లెక్కన సందీప్ రెడ్డి వంగా ఐదేళ్ల పాటు కొత్త సినిమా ఎత్తుకునే అవకాశం లేదు అని చెప్పాలి.
