‘గీత ఆర్ట్స్’ లో సినిమా అనుకుంటే ఇలా షాకిచ్చాడేంటి?

సాధారణంగా ట్యాలెంట్ ఉన్న డైరెక్టర్లను… అతనితో సినిమాలు చేసిన నిర్మాతలు వదులుకోవడానికి ఇష్టపడరు. తరువాతి సినిమాని కూడా వారి నిర్మాణంలోనే చేసేలా ప్లాన్ చేసుకుంటుంటారు. ఎలాగు ఛాన్స్ ఇచ్చారు కదా అని.. ఆ డైరెక్టర్లు కూడా అందుకు ఓకే చెప్పేస్తూ ఉంటారు. ఇప్పటివరకూ దాదాపు అందరు డైరెక్టర్లు అలాగే చేస్తూ వచ్చారు. కానీ ఇప్పుడు ఓ ట్యాలెంటెడ్ డైరెక్టర్ మాత్రం బడా నిర్మాత అయిన అల్లు అరవింద్ కు హ్యాండిచ్చేసినట్టు కనిపిస్తుంది. ఆ డైరెక్టర్ మరెవరో కాదు.. పరశురామ్(బుజ్జి).

‘జి.ఏ2 పిక్చర్స్’ లో ‘శ్రీరస్తు శుభమస్తు’ ‘గీత గోవిందం’ వంటి హిట్ చిత్రాలను తెరకెక్కించాడు పరశురామ్. ఆ తరువాతి సినిమాను నేరుగా ‘గీత ఆర్ట్స్’ బ్యానర్ లోనే చేస్తాడు అంటూ ప్రచారం జరిగింది. మొదట్లో మహేష్ బాబు హీరో అన్నారు, ఆ తరువాత అల్లు అర్జున్ అన్నారు. కానీ వాళ్ళ డేట్స్ ఖాళీ లేకపోవడంతో మళ్ళీ అఖిల్ తోనే అన్నారు. కానీ ఎందుకో ఇప్పుడు ’14 రీల్స్ ప్లస్’ వారితో సినిమా చేస్తున్నాడు పరశురామ్. ‘తనని ఎంకరేజ్ చేసిన సంస్థకు ఎందుకు హ్యాండిచ్చాడు’.. అనే చర్చ ప్రస్తుతం ఫిలింనగర్లో జోరందుకుంది.

వెంకీ మామ సినిమా రివ్యూ & రేటింగ్!
అమ్మ రాజ్యంలో కడప బిడ్డలు సినిమా రివ్యూ & రేటింగ్!