యాంగ్రీ స్టార్ రాజశేఖర్ నటించిన ‘శేఖర్’ మూవీ మే 20న విడుదల కాబోతుంది. జీవితా రాజశేఖర్ దర్శకత్వం వహించిన ఈ చిత్రానికి అనూప్ రూబెన్స్ సంగీతం అందించాడు. మలయాళంలో సూపర్ హిట్ అయిన జోసెఫ్ చిత్రానికి ఇది రీమేక్ అన్న సంగతి తెలిసిందే. టీజర్, ట్రైలర్ లు ప్రామిసింగ్ గా ఉన్నాయి. విడుదల తేదీ దగ్గర పడుతుండడంతో ప్రమోషన్లను వేగవంతం చేసింది చిత్ర బృందం. ఇందులో భాగంగా ఈరోజు ప్రీ రిలీజ్ వేడుకని నిర్వహించింది.
ఈ వేడుకకి టాలీవుడ్ స్టార్ దర్శకుడు సుకుమార్ అతిథిగా విచ్చేశాడు. సుకుమార్ మైక్ పట్టుకుంటే ఒక్కొక్కరినీ తన శైలిలో పొగుడుతూ ఉంటాడు అన్న సంగతి అందరికీ తెలిసిందే. ఇప్పుడు రాజశేఖర్ ను కూడా అదే స్థాయిలో పొగుడుతూనే కొన్ని ఆసక్తికరమైన కామెంట్లు చేశాడు. సుకుమార్ మాట్లాడుతూ.. ” ‘మగాడు’, ‘తలంబ్రాలు’, ‘ఆహుతి’, ‘అంకుశం’ సినిమాల టైంలో నేను రాజశేఖర్ గారికి వీరాభిమానిని అయ్యాను. మా ఊర్లో మా ఫ్రెండ్ హీరోలందరినీ ఇమిటేట్ చేసేవాడు..
నాకు వాడిని చూస్తే జెలసీ వచ్చేది..ఓరోజు నేను రాజశేఖర్లా ఇమిటేట్ చేసేవాడిని. దాంతో నేను మా ఊర్లో ఫేమస్ అయిపోయాను. అప్పటి నుండీ నన్ను అందరూ రాజశేఖర్లా చేయమని అడిగేవారు.అయితే నేను కూడా సినిమాకి సంబంధించి ఏమైనా చేయగలను అనే నమ్మకం ఆరోజు వచ్చింది. ఆ విధంగా నా జీవితాన్ని మార్చేసింది రాజశేఖర్ గారే. ఈ విషయాన్ని ఇప్పటివరకు ఎక్కడా చెప్పలేదు” అంటూ సుకుమార్ చెప్పుకొచ్చాడు.
నిజానికి సుకుమార్- రాజశేఖర్ కాంబినేషన్లో ‘రంగస్థలం’ సినిమా రావాలి కానీ మిస్ అయ్యింది. ఆ సినిమాలో జగపతి బాబు పాత్రకి ముందుగా రాజశేఖర్ నే అడిగారు సుకుమార్. కానీ ఆ ఆఫర్ ను రాజశేఖర్ తిరస్కరించారు.
Most Recommended Video
‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!
