మైత్రీ మూవీ మేకర్స్ బ్యానర్ లో అల్లు అర్జున్ హీరోగా సుకుమార్ డైరెక్షన్ లో తెరకెక్కుతున్న పుష్ప సినిమాపై ప్రేక్షకుల్లో భారీగా అంచనాలు నెలకొన్న సంగతి తెలిసిందే. అయితే పుష్ప పార్ట్ 1 రిలీజైన తరువాత బన్నీ ఐకాన్ సినిమాలో నటించబోతున్నారు. ఐకాన్ సినిమా పూర్తైన తరువాత పుష్ప రెండో భాగంలో నటించాలని బన్నీ భావిస్తున్నారు. అయితే బన్నీ ఐడియా సుకుమార్ కు నచ్చలేదని ఇండస్ట్రీ వర్గాల్లో వినిపిస్తోంది. సుకుమార్ పుష్ప రెండు భాగాలను బ్యాక్ టు బ్యాక్ రిలీజ్ చేయాలని భావిస్తున్నారని భోగట్టా.
బన్నీ మాత్రం పుష్ప పార్ట్ 1 రిలీజైన తర్వాత కొంత గ్యాప్ తప్పదని ఐకాన్ సినిమా స్క్రిప్ట్ పనులు ఇప్పటికే పూర్తి కావడంతో ఆ సినిమాలో నటిస్తానని సుకుమార్ కు చెప్పినట్టు సమాచారం. షూట్ కంటిన్యూగా ఉంటే పుష్ప సెకండ్ పార్ట్ ను చకచకా పూర్తి చేయవచ్చని సుకుమార్ భావిస్తున్నట్టు తెలుస్తోంది. మరోవైపు పుష్ప పార్ట్ 1 రిజల్ట్ ను బట్టి రెండో భాగం విషయంలో బన్నీ నిర్ణయం తీసుకుంటారా..? అనే ప్రశ్నలు వినిపిస్తున్నాయి.
పుష్ప రెండు భాగాలలో కనిపిస్తానని రష్మిక ఇప్పటికే వెల్లడించగా అనసూయ, ఫహద్ ఫాజిల్ పాత్రలు కూడా రెండో భాగంలో ఉంటాయని సమాచారం. ఫహద్ ఫాజిల్ పుష్ప పార్ట్ 1 చివరి 20 నిమిషాల్లో ఎంట్రీ ఇస్తారని ఫస్ట్ పార్ట్ లో కేవలం మూడు సీన్లలో మాత్రమే ఫహద్ కనిపిస్తారని సమాచారం. పుష్ప పార్ట్ 1 రిలీజైన తరువాత ఐకాన్ సినిమాలో నటించాలనే బన్నీ నిర్ణయం రైటేనా..? అనే ప్రశ్నలు సైతం ఇండస్ట్రీ వర్గాల్లో వినిపిస్తుండటం గమనార్హం.
Most Recommended Video
తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!
Home