సెన్సేషనల్ దర్శకుడు తేజ ఏ అంశంపై మాట్లాడినా అందరినీ ఆలోచింపజేసేలా చేస్తాడు. ఆయన మాటల్లో చాలా డెప్త్ ఉంటుంది అలాగే భయంకరమైన నిజం కూడా ఉంటుంది. తన ‘అహింస’ ప్రమోషన్స్ లో భాగంగా తేజ మీడియాతో ముచ్చటించాడు. అతనికి కొత్త వాళ్ళతో చేయడం బర్డెన్ కాదని, టాలెంట్ ఉండి అవకాశాలు లేక చాలా మంది తిరుగుతున్నారని, వాళ్లకు నేను ఛాన్స్ లు ఇస్తూనే ఉంటానని తేజ ఈ సందర్భంగా చెప్పాడు.
అయితే హీరోయిన్ల విషయంలో ఎందుకు నార్త్ కు వెళ్లాల్సి వస్తుంది అనే అంశం పై కూడా (Teja) తేజ తనదైన శైలిలో సమాధానం ఇచ్చాడు. ఈ విషయం పై తేజ మాట్లాడుతూ.. “హిందీ హీరోయిన్లయితే ఏంటి? మన సినిమా హిందీ వాళ్ళు చూస్తే ఆనందపడతాం కానీ అక్కడి అమ్మాయిలను హీరోయిన్లుగా తీసుకురాకూడదా? సరే.. నేను తెలుగమ్మాయిలనే హీరోయిన్లుగా పెట్టుకుందాం అని చాలా సార్లు అనుకున్నాను. ఒకసారి కొంతమందికి ఫోటో షూట్లు అవి చేశాను, లుక్ టెస్ట్ లు చేయించాను.
కానీ ఒక్కటే సమస్య. తెలుగమ్మాయిలకి ఓపిక తక్కువ. వాళ్ళకి నేను హీరోయిన్ ఛాన్స్ ఇవ్వాలని ట్రై చేశాను. 6 నెలలు ఆగమని చెప్పాను. కానీ వాళ్ళు ఆగలేదు. వాళ్ళ ఇంట్లో వాళ్ళు తొందర పెట్టడం, సొసైటీ కోసం భయపడటం.. వంటి కారణాలతో ఎక్కడో మూలన నిలబడే క్యారెక్టర్ల కోసం వెళ్లిపోయారు. ఇలా నాకు రెండు, మూడు సార్లు జరిగింది. నాకు తెలిసి తెలుగమ్మాయిలకి హీరోయిన్ ఛాన్స్ లు అందుకే ఎక్కువ రావు” అంటూ చెప్పుకొచ్చాడు.
మేమ్ ఫేమస్ సినిమా రివ్యూ & రేటింగ్!
సత్తిగాని రెండెకరాలు సినిమా రివ్యూ & రేటింగ్!
మళ్ళీ పెళ్లి సినిమా రివ్యూ & రేటింగ్!
‘డాడీ’ తో పాటు చిరు – శరత్ కుమార్ కలిసి నటించిన సినిమాల లిస్ట్..!
Home