సెలబ్రిటీలు యాడ్స్ ద్వారా భారీ రెమ్యునరేషన్ అందుకుంటారనే సంగతి తెలిసిందే. పలు సంస్థలకు బ్రాండ్ అంబాసిడర్లుగా వ్యవహరిస్తూ మన తారలు బాగానే సంపాదిస్తున్నారు. ఇలా కంపెనీలకు ప్రకటనలు చేయాల్సి వచ్చినప్పుడు హీరోలు వాటిని డైరెక్ట్ చేసే ఛాన్స్ మాత్రం తమకు ఇష్టమైన దర్శకులకు ఇస్తారు. హీరోలకు కోట్లలో రెమ్యునరేషన్ ఉంటే.. మరి దర్శకులకు ఎంత ఇస్తారనేది ప్రశ్న. ఈ మధ్యనే దర్శకుడు త్రివిక్రమ్, ఎన్టీఆర్ కలిసి ఓ యాడ్ చేశారు.
అలానే త్రివిక్రమ్-మహేష్ కలిసి కూడా ప్రకటనలు చేశారు. మహేష్ బాబు-సందీప్ వంగా కాంబినేషన్ లో కూడా ఓ యాడ్ వచ్చింది. ఈ యాడ్ లు చేయడానికి ఒకరోజు మాత్రమే సమయం పడుతుంది. పైగా స్క్రిప్ట్, ఐడియా అన్నీ కూడా కంపెనీలే ఇస్తాయి. కాబట్టి దానికోసం ఎక్కువ ఒత్తిడి తీసుకోవాల్సిన అవసరం లేదు. మరి ఇలా ఒకరోజు సమయం కేటాయించడానికి దర్శకుడు త్రివిక్రమ్ ఎంత తీసుకుంటారో తెలుసా..? అక్షరాలా రూ.30 లక్షలు.
దర్శకుడు సందీప్ రెడ్డి వంగాకి మాత్రం కేవలం ఐదు లక్షలే ఇచ్చారట. ఒకపూట కష్టపడితేనే త్రివిక్రమ్ కి ముప్పై లక్షలు ఇస్తున్నారంటే ఆయన రేంజ్ ఏంటో అర్ధమవుతోంది. ప్రస్తుతం ఈ దర్శకుడు ఎన్టీఆర్ తో సినిమా చేయడానికి సన్నాహాలు చేస్తున్నారు. ఉగాది నాడు ఈ సినిమాను లాంఛనంగా మొదలుపెట్టనున్నారు. ఏప్రిల్ నుండి సినిమా రెగ్యులర్ షూటింగ్ ఉండే అవకాశాలు ఉన్నాయి.
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
Home