Director Vasishta: ఆ దర్శకులకు వశిష్ట గట్టి పోటీ ఇస్తారా?

బింబిసార సినిమా బ్లాక్ బస్టర్ హిట్ గా నిలవడంతో ప్రస్తుతం సోషల్ మీడియా వేదికగా, వెబ్ మీడియా వేదికగా మల్లిడి వశిష్ట గురించి జోరుగా చర్చ జరుగుతోంది. ప్రేమలేఖ రాశా సినిమాలో హీరోగా నటించిన వశిష్ట డైరెక్టర్ గా మారి తొలి సినిమాతోనే సక్సెస్ ను అందుకున్నారు. సినిమా రిలీజ్ కు ముందే ఈ సినిమా రిజల్ట్ విషయంలో కాన్ఫిడెన్స్ ఉన్న వశిష్ట తన నమ్మకం నిజమవుతుందని ఈ సినిమాతో ప్రూవ్ చేసుకున్నారు.

బింబిసార సక్సెస్ తో స్టార్ డైరెక్టర్ల జాబితాలో వశిష్ట చేరినట్టేనని కామెంట్లు వ్యక్తమవుతున్నాయి. బింబిసార సినిమాను చూసిన ప్రేక్షకులెవరూ కొత్త డైరెక్టర్ ఈ సినిమాకు దర్శకత్వం వహించాడంటే నమ్మడం లేదు. తొలి సన్నివేశం నుంచి చివరి సన్నివేశం వరకు అనుభవం ఉన్న దర్శకుడిలా వశిష్ట ఈ సినిమాను డీల్ చేయడం గమనార్హం. స్టార్ హీరోలను సైతం హ్యాండిల్ చేయగలనని వశిష్ట ఈ సినిమాతో ప్రూవ్ చేసుకున్నారు. ప్రస్తుతం టాలీవుడ్ టాప్ డైరెక్టర్ల జాబితాలో రాజమౌళి, సుకుమార్, కొరటాల శివ, త్రివిక్రమ్ శ్రీనివాస్, సందీప్ రెడ్డి వంగా, నాగ్ అశ్విన్, ప్రశాంత్ నీల్ ఉన్నారు.

ఈ జాబితాలో అతి త్వరలో మల్లిడి వశిష్ట కూడా చేరే అవకాశాలు అయితే ఉన్నాయి. స్టార్ హీరోలు ఛాన్స్ ఇస్తే దర్శకుడిగా మల్లిడి వశిష్ట రేంజ్ మరింత పెరిగే ఛాన్స్ అయితే ఉంటుందని చెప్పవచ్చు. సాధారణంగా కొత్త డైరెక్టర్లు సోషియో ఫాంటసీ సబ్జెక్ట్ లకు దూరంగా ఉంటారు. అయితే వశిష్ట మాత్రం రిస్కీ సబ్జెక్ట్ ను ఎంచుకోవడంతో పాటు ఆ సినిమాతో సక్సెస్ ను సొంతం చేసుకోవడం గమనార్హం.

బింబిసార పార్ట్2 కూడా ఉంటుందని కళ్యాణ్ రామ్ ఇప్పటికే క్లారిటీ ఇచ్చారు. ఫస్ట్ పార్ట్ ను మించిన ట్విస్టులతో ఈ సినిమా తెరకెక్కనుందని బింబిసార పార్ట్2 లో అత్యున్నత గ్రాఫిక్స్ హంగులు ఉంటాయని కళ్యాణ్ రామ్ చెప్పుకొచ్చారు. వచ్చే ఏడాది బింబిసార2 థియేటర్లలో విడుదలయ్యే ఛాన్స్ ఉంది.

బింబిసార సినిమా రివ్యూ & రేటింగ్!

Most Recommended Video

సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?