Naga Chaitanya: నాగచైతన్య సినిమా గురించి మాట్లాడిన వెంకట్‌ ప్రభు!

March 28, 2022 / 12:29 PM ISTByFilmy Focus

Join Us

Naga Chaitanya: నాగచైతన్య సినిమా గురించి మాట్లాడిన వెంకట్‌ ప్రభు!

డిప్‌లో ఉన్న శింబు కెరీర్‌ను రీస్టార్ట్‌ చేసిన సినిమా ‘మానాడు’. వెంకట్‌ ప్రభు దర్శకత్వంలో ఇటీవల వచ్చిన ఈ సినిమా మంచి విజయం అందుకుంది. ఈ సినిమా రీమేక్‌ హక్కులి సురేశ్ ప్రొడక్షన్స్‌ కైవసం చేసుకుంది. దీంతో ఇందులో హీరో ఎవరు అంటూ చర్చ మొదలైంది. ఈ క్రమంలో నాగచైతన్య, రానా పేర్లు వినిపించాయి. ఆ సినిమాలో ఈ ఇద్దరూ నటిస్తారని చెప్పుకొచ్చారు. మాతృక తెరకెక్కించిన వెంకట్‌ ప్రభునే ఇక్కడా దర్శకత్వం వహిస్తారని అన్నారు. అయితే ఆయన మాటలు మాత్రం ఇలా లేవు.

Click Here To Watch NOW

వెంకట్‌ ప్రభు క్విక్కీగా రూపొందిన ‘మన్మథ లీల’ అనే సినిమా ఏప్రిల్‌ 1న విడుదలవుతోంది. ఈ నేపథ్యంలో ప్రచారానికి వచ్చిన ఆయన్ను తెలుగు సినిమా గురించి కదిలించింది అక్కడి మీడియా. దానికి ఆయన చెప్పిన సమాధానం… మొత్తం ‘మానాడు’ రీమేక్‌ పుకార్లను పటాపంచలు చేసింది. కారణం నాగచైతన్యతో సినిమా చేస్తున్నాను కానీ, అది ‘మానాడు’ రీమేక్‌ కాదు అని చెప్పారట వెంకట్‌ ప్రభు. దీంతో ఆశ్చర్యపోవడం అభిమానుల వంతు అయ్యింది.

మేం చేయబోయే సినిమా తెలుగు, తమిళ భాషల్లో రూపొందుతుందని కూడా వెంకట్‌ ప్రభు చెప్పారు. ఇంతకుమించి ఈ ప్రాజెక్టు గురించి మాట్లాడలేనని, త్వరలోనే కాస్ట్ అండ్ క్రూ గురించి చిత్ర నిర్మాణ సంస్థ అధికారికంగా ప్రకటిస్తుందని వెంకట్‌ ప్రభు చెప్పారు. దీంతో ఆ సినిమా చేయకపోతే వెంకట్‌ ప్రభు – నాగచైతన్య ఇంకేం సినిమా చేస్తారనేది అర్థం కావడం లేదు. అలా అయితే ‘మానాడు’ హీరో రానా అవుతాడా అనే ప్రశ్న కూడా మొదలైంది.

‘మానాడు’ తెలుగులో చేస్తే సూర్య పాత్ర చేయడానికి రెడీ అని ఆ మధ్య రవితేజ చెప్పారని వార్తలొచ్చాయి. ఆ లెక్కన రానా వర్సెస్‌ రవితేజ అవుతుందా? అనే ప్రశ్నకూడా మొదలైంది. ఒకటి రెండు రోజుల్లో ఈ సినిమాల విషయంలో పూర్తి క్లారిటీ వచ్చే అవకాశం ఉంది. చైతు సినిమా అనౌన్స్‌ చేసేస్తే, ‘మానాడు’ రీమేక్‌ లెక్క కూడా తేలిపోతుంది. చైతు సినిమాలో అయితే హీరోయిన్‌గా పూజా హెగ్డే పక్కా అని అంటున్నారు.