Venky Atluri: పెళ్లి చేసుకున్న దర్శకుడు వెంకీ అట్లూరి.. అమ్మాయి ఎవరో తెలుసా?

‘స్నేహగీతం’ చిత్రంతో నటుడిగా ఎంట్రీ ఇచ్చిన వెంకీ అట్లూరి ఆ సినిమాకు డైలాగ్ రైటర్ గా కూడా పనిచేశాడు. అటు తర్వాత ‘ఇట్స్ మై లవ్ స్టోరీ’ ‘కేరింత’ వంటి సినిమాలకు కూడా డైలాగ్ రైటర్ గా పనిచేశాడు. అయితే వరుణ్ తేజ్, రాశీ ఖన్నా జంటగా నటించిన ‘తొలిప్రేమ’ చిత్రంతో దర్శకుడిగా మారి తొలి సినిమాతోనే బ్లాక్ బస్టర్ అందుకున్నాడు. అటు తర్వాత అఖిల్ తో ‘మిస్టర్ మజ్ను’, నితిన్ తో ‘రంగ్ దే’ వంటి చిత్రాలు తెరకెక్కించిన ఇతను ప్రస్తుతం ధనుష్ తో ‘సార్’ అనే ద్విభాషా చిత్రాన్ని డైరెక్ట్ చేస్తున్నాడు.

ఫిబ్రవరిలో ఈ మూవీ ప్రేక్షకుల ముందుకు రానుంది. ఇదిలా ఉండగా.. చాలా సైలెంట్ గా ఈ యంగ్ డైరెక్టర్ పెళ్లి పీటలెక్కాడు. పూజ అనే అమ్మాయితో వెంకీ అట్లూరి పెళ్లి హైదరాబాద్ లో ఘనంగా జరిగింది. వీరి పెళ్లి వేడుకకు నితిన్ తన భార్య షాలినితో కలిసి హాజరయ్యాడు. అలాగే మరో దర్శకుడు వెంకీ కుడుముల, హీరోయిన్ కీర్తి సురేష్ కూడా హాజరయ్యారు.

ఈ సందర్భంగా నూతన వధూవరులతో తీసుకున్న ఫోటోని హీరో నితిన్ తన ఇన్స్టాగ్రామ్లో షేర్ చేస్తూ ‘జీవితంలో కొత్త అధ్యాయాన్ని ప్రారంభిస్తున్న వెంకీకి హృదయపూర్వక శుభాకాంక్షలు.వెంకీ – పూజ కలిసి ఆనందంగా జీవించాలని కోరుకుంటున్నాను.’ అంటూ రాసుకొచ్చాడు. నితిన్ ప్రస్తుతం హనుమాన్ దీక్షలో ఉన్న సంగతి తెలిసిందే. వెంకీ అట్లూరి పెళ్ళికి కూడా అతను అలాగే హాజరయ్యాడు.

2008 లోనే హనీ రోజ్ చేసిన తెలుగు సినిమా ఏదో తెలుసా ??
నటి శృతి హాసన్ పాడిన 10 పాటలు ఇవే!

షారుఖ్-సల్మాన్ కలిసొచ్చినా… బాహుబలి, ఆర్ఆర్ఆర్, కెజిఫ్ లను కొట్టలేకపోయారు!
కాంబినేషన్ మాత్రం క్రేజీ – కానీ అంచనాలు మించే సినిమాలు అవుతాయి అంటారా?