బలగం సినిమా వివాదంపై మరోసారి క్లారిటీ ఇచ్చిన డైరెక్టర్ వేణు!

March 16, 2023 / 04:44 PM ISTByFilmy Focus

Join Us

బలగం సినిమా వివాదంపై మరోసారి క్లారిటీ ఇచ్చిన డైరెక్టర్ వేణు!

జబర్దస్త్ కార్యక్రమంలో కమెడియన్ గా సందడి చేస్తూ అందరిని ఆకట్టుకున్న కమెడియన్ వేణు ఈ కార్యక్రమం నుంచి బయటకు వచ్చి సినిమా అవకాశాల కోసం ప్రయత్నించారు. ఈ క్రమంలోనే ఈయన దర్శకత్వంలో నటుడు ప్రియదర్శి కావ్య కళ్యాణ్ రామ్ జంటగా నటించిన చిత్రం బలగం. ఈ సినిమా మార్చి 3వ తేదీ విడుదల అయ్యి అద్భుతమైన విజయాన్ని అందుకుంది. ఈ సినిమా చూసినటువంటి ఎంతోమంది సినీ సెలబ్రిటీలు సినిమా పై ప్రశంసల వర్షం కురిపిస్తున్నారు.

ఇక ఈ సినిమా ప్రతి ఒక్క ప్రేక్షకుడి హృదయాన్ని ఆకట్టుకోవడంతో ప్రతి ఒక్కరూ ఈ సినిమా పట్ల ఎంతో ఎమోషనల్ అవుతూ ఈ సినిమా విజయానికి బ్రహ్మరథం పడుతున్నారు.కేవలం నాలుగు కోట్ల బడ్జెట్ తో తెరకెక్కిన ఈ సినిమా ఏకంగా 10 కోట్ల వసూళ్లను రాబట్టింది. ఇంకా ఈ సినిమా థియేటర్లలో సక్సెస్ ఫుల్ గా రన్ అవుతుంది. ఇక ఈ సినిమా ఇంత మంచి సక్సెస్ అందుకోవడంతో డైరెక్టర్ వేణు మీడియా సమావేశంలో మాట్లాడారు.

ఈ సందర్భంగా వేణు మాట్లాడుతూ ముందుగా ఈ సినిమా ఇంత మంచి సక్సెస్ అయినందుకు అందరికీ ధన్యవాదాలు తెలియజేయడమే కాకుండా ఇలా డైరెక్ట్ గా తాను మంచి సక్సెస్ అందుకోవడంతో ఎంతో సంతోషం వ్యక్తం చేస్తున్నానని అయితే ఈ సినిమా తనకు మరింత బాధ్యత పెంచిందని తెలిపారు. ఇక ఈ సినిమా కాపీ వివాదాన్ని ఎదుర్కొన్న విషయం మనకు తెలిసిందే. అయితే ఈ వివాదం పై వేణు మాట్లాడుతూ ఈ సినిమా కథ ఎవరి నుంచి కాపీ చేసినది కాదని చిన్నప్పటి నుంచి నా నిజ జీవితంలో జరిగిన సంఘటనల ఆధారంగా ఈ కథ తయారు చేసుకున్నదని తెలిపారు.

ఇక ఈ సినిమా రిఫరెన్స్ కోసం తాను కొన్ని మరాఠీ సినిమాలను చూసి కథ సిద్ధం చేసుకున్నానే తప్ప ఎవరిది కాపీ చేసినది కాదని వాళ్లు ఏదో ఆశించి ఇలాంటి వివాదాలకు తెరలేపారని ఈ సందర్భంగా ఈయన తెలిపారు. ఇక ఈ సినిమా సక్సెస్ గురించి గురించి ఈయన మాట్లాడుతూ నేను పదో తరగతి చదువుతున్న సమయంలో డైరెక్టర్ అవుతానంటే నా స్నేహితులు నన్ను చూసి ఎగతాళి చేశారు. అయితే ఈ సినిమా మంచి విజయం అందుకోవడంతో తన ఫ్రెండ్స్ తన పట్ల వ్యవహరించే తీరు కూడా మారిందని తెలిపారు.

ఒకప్పుడు ఒరేయ్ ఏంట్రా అని పిలిచిన వారందరూ కూడా ఇప్పుడు చాలా రెస్పెక్ట్ ఇచ్చి మాట్లాడుతున్నారని, ఇలా తనని రెస్పెక్ట్ చేయడం కూడా తనకు భయంగాను మరింత బాధ్యతను గుర్తు చేస్తూ ఉందని ఈయన తెలిపారు.ఇక తన కథను నమ్మి దిల్ రాజు గారు తనకు ఇంత మంచి అవకాశం ఇచ్చినందుకు ఈయన దిల్ రాజుకు కూడా కృతజ్ఞతలు తెలిపారు.