బాలకృష్ణకు కథలు వినిపిస్తున్న డైరక్టర్లు!

నటసింహ నందమూరి బాలకృష్ణతో సినిమా చేయాలనేది చాలామంది డైరక్టర్ల కల. గౌతమి పుత్ర శాతకర్ణి విజయం తరవాత బాలయ్య డేట్స్ కావాలని కోరుకునే దర్శకుల సంఖ్య పెరిగింది. ఎంతో అపురూపంగా రాసుకున్న కథల్లో నటసింహాను చూసుకోవాలని ఆరాటపడుతున్నారు. ఆ కథలను వినిపించడానికి క్యూ కడుతున్నారు. తన వందో చిత్రానికి ముందే క్రియేటివ్ డైరక్టర్ కృష్ణ వంశీతో సినిమా చేస్తానని బాలయ్య మాటిచ్చారు. రైతు అనే టైటిల్ పరిశీలిస్తున్న ఈ మూవీకి ప్రీ ప్రొడక్షన్ వర్క్ జరుగుతోంది. ఇందులో బిగ్ బీ అమితాబ్ బచ్చన్ కీలక రోల్లో కనిపించనున్నారు.

ఆయన డేట్స్ కోసం ఎదురుచూస్తున్నారు. రజినీకాంత్, కమలహాసన్ వంటి స్టార్లతో సినిమాలను తెరకెక్కించిన తమిళ దర్శకుడు కేఎస్ రవికుమార్ బాలయ్యకు కథని వినిపించారు. స్టోరీ బాగుంది, పూర్తి స్క్రిప్ట్ తో కలవమని బాలయ్య చెప్పారని సమాచారం. లయన్ అనే సినిమా తీసిన డైరక్టర్ సత్యదేవా కూడా “సార్వభౌమ” కథను బాలకృష్ణకు వినిపించారని తెలిసింది. కొంతమంది యువదర్శకులు కూడా ఛాన్స్ ఇవ్వమని బాలయ్య చుట్టూ తిరుగుతున్నారు. మరి బాలకృష్ణ 101వ సినిమాను డైరక్ట్ చేసే ఛాన్స్ ఏ దర్శకునికి వరిస్తుందో చూడాలి.

Also, do SUBSCRIBE to our YouTube channel to get latest Tollywood updates.