‘రాజా సాబ్‌’ సినిమా రిలీజ్ డేట్ గురించి ఆ మధ్య ఆ సినిమా నిర్మాత పీపుల్‌ మీడియా ఫ్యాక్టరీ అధినేత టి.జి.విశ్వప్రసాద్‌ (T. G. Vishwa Prasad) ఓ మాట అన్నారు గుర్తుందా? ‘ఈగల్‌’ (Eagle) సినిమా రిలీజ్ సమయంలో పెట్టిన ప్రెస్‌ మీట్‌లో అనుకుంటాం… ‘ప్రభాస్‌ (Prabhas) సినిమా రిలీజ్ కోసం ప్రత్యేకమైన డేట్ అనుకోవాలా? ఆయన సినిమా ఎప్పుడొస్తే అప్పుడు అందరూ దారివ్వాల్సిందే’ అని. ఆ రోజు ఈ విషయంలో పెద్ద చర్చే జరిగింది. అయితే ఏదో అనుంటారులే అని కొందరు వదిలేశారు. అయితే ఇప్పుడు అదే మాట జరుగుతుందా అని అనిపిస్తోంది. ఎందుకంటే ‘రాజా సాబ్‌’ (The Rajasaab) రిలీజ్ డేట్ గురించి పెద్ద ఎత్తున చర్చ జరుగుతోంది.
ఇన్నాళ్లూ చాలా కామ్‌గా కనిపిచిన ‘రాజా సాబ్‌’ టీమ్‌ ఇప్పుడు తిరిగి యాక్టివ్‌ అయ్యారు. సినిమా షూటింగ్‌ ఎంతవరకు వచ్చింది అనే విషయంలో క్లారిటీ లేదు కానీ.. సినిమా రిలీజ్ కోసం ఓ డేట్ వెతుకుతున్నారు అనే వార్త అయితే జోరుగా వినిపిస్తోంది. ఈ క్రమంలో ఓ సింగిల్‌ డేట్ కోరుకుంటున్నారు అని టాక్‌. ప్రభాస్‌, మారుతి (Maruthi Dasari) కాంబినేషన్‌లో వస్తున్న ఈ సినిమా రెగ్యులర్‌ డార్లింగ్‌ సినిమాకు దూరంగా ఉంటుంది అంటున్నారు. వినోదాత్మకంగా రూపొందిస్తున్నారట.
అయినప్పటికీ పాన్‌ ఇండియా లెవల్‌లోనే రిలీజ్ చేయాలని చూస్తున్నారట. అందులో భాగంగానే ఈ సోలో డేట్ ఆలోచన చేస్తున్నారట. తొలుత ఈ సినిమాను 2025 సంక్రాంతికి ప్లాన్‌ చేస్తున్నారని టాక్‌ వచ్చింది. ఈ మాట ఆ మధ్య నిర్మాత నోట కూడా వినిపించింది. అయితే సంక్రాంతికి అన్ని సినిమాలున్నాయి, చాలా వరకు డేట్స్‌ చెప్పేశారు కాబట్టి ‘పుష్ప: ది రైజ్‌’ (Pushpa) స్టైల్‌లో డిసెంబరు ఆఖరున వచ్చే ఆలోచన కూడా ఉందట. అయితే ఇదంతా సినిమా అయిపోతేనే కదా అనే మాట కూడా ఉంది.
ఎందుకంటే ప్రభాస్‌ ప్రస్తుతం ‘కల్కి 2898 ఏడీ’ (Kalki) పనుల్లోనే ఉన్నాడు. ఆ సినిమాను వీలైనంత త్వరగా పూర్తి చేయాలి అనేది ఆలోచనట. ఈ సమయంలో ‘రాజా సాబ్‌’కి డేట్స్‌ ఇచ్చి డిసెంబరు నాటికి పూర్తి చేస్తారా? వీలవుతుందా? అనేదే ఇక్కడ ప్రశ్న. అయితే ఇక్కడే మరో ప్రశ్న ఉంది. అదే ప్రభాస్‌ వస్తే నిజంగానే మిగిలిన హీరోలు తప్పుకుంటారా?
షరతులు వర్తిస్తాయి సినిమా రివ్యూ & రేటింగ్!
‘డెవిల్’ ఫైనల్ గా ఎంత కలెక్ట్ చేసిందంటే?
‘బబుల్ గమ్’ ఫైనల్ గా ఎంత కలెక్ట్ చేసిందంటే?
