మామూలుగానే హీరోయిన్లు కమర్షియల్ సినిమాల్లో రెండుమూడు పాటలు, నాలుగైదు సీన్లకు పరిమితం అయిపోతున్నారు. తిప్పి కొడితే ఏడాదికి ఓ అయిదారు సినిమాల్లో మాత్రమే హీరోయిన్లకు మంచి పాత్రలు లభిస్తున్నాయి. అందుకు తగ్గట్లే హీరోయిన్లు కూడా తమ పాత్రలకు వెయిటేజ్ ఉండాలి, క్యారెక్టర్ ఆర్క్ ఉండాలి లాంటి లిమిటేషన్స్ పెట్టుకోకుండా, ఏ పాత్ర వస్తే అది చేసుకుంటూ వెళ్లిపోతున్నారు. ఇలా వచ్చిన క్యారెక్టర్ చేస్తూ సోషల్ మీడియాలో అందాల విందు భోజనం వడ్డిస్తూ చేతినిండా డబ్బు సంపాదిస్తున్న నటి దిశా పటానీ (Disha Patani) .
ఇప్పటివరకు చాలా సినిమాల్లో కనిపించినప్పటికీ.. “ధోనీ” తప్ప చెప్పుకోదగ్గ క్యారెక్టర్ కానీ సినిమా కానీ ఒక్కటి కూడా లేదు. అందుకే.. ఆమె సినిమాల మీద కంటే, ఇన్నర్ వేర్ యాడ్స్ మీద ఎక్కువ దృష్టి సారించింది. అయితే.. సూర్య-శివ కాంబినేషన్ లో రూపొందుతున్న భారీ చిత్రం “కంగువ”లో హీరోయిన్ ఆఫర్ వచ్చేసరికి ఈ సినిమాతో కెరీర్ సెటిల్ అయిపోయినట్లేనని సంబరపడిపోయింది.
కట్ చేస్తే.. సినిమాలో రెండు టైమ్ లైన్స్ ఉన్నాయని, ట్రైబల్ థీమ్ ఉన్న సీన్స్ లెంగ్త్ 2 గంటలు కాగా, కరెంట్ టైమ్ లైన్ లో సీన్స్ కేవలం 20 నిమిషాలు మాత్రమేనని ఇటీవల మీడియా ఇంటర్వ్యూల్లో దర్శకుడు శివ స్వయంగా పేర్కొన్న విషయం తెలిసిందే. దిశా పటాని ఈ సినిమాలో ఆ మిగిలిన 20 నిమిషాల పార్ట్ లో మాత్రమే కనిపిస్తుంది.
ఆ 20 నిమిషాల్లో దిశా ఒక పాట మరియు మూడు కాంబినేషన్ సీన్స్ లో మాత్రమే కనిపిస్తుందట. సో, “కంగువ” కూడా దిశా పటానీ కెరీర్ కి పెద్దగా ఉపయోగపడేదేమీ లేదన్నమాట. మరి దిశా పటానీకి ఎప్పటికైనా సినిమాల విషయంలో బ్రేక్ వస్తుందో లేక ఇలాగే ఇన్స్టాగ్రామ్ లో లింగేరీ యాడ్స్ చేసుకుంటూ కంటిన్యూ అయిపోతుందో చూడాలి.
