Divi Vadthya: బాలయ్య నుంచి ఎన్నో విషయాలను నేర్చుకున్నానన్న దివి.. ఏం చెప్పారంటే?

టాలీవుడ్ ఇండస్ట్రీలోని స్టార్ హీరోలలో ఒకరైన బాలకృష్ణ (Balakrishna)  నటుడిగా కెరీర్ ను మొదలుపెట్టి 50 సంవత్సరాలు పూర్తయింది. గడిచిన 50 సంవత్సరాలలో బాలకృష్ణ 100కు పైగా సినిమాలలో నటించి ఆ సినిమాలలో మెజార్టీ సినిమాలతో విజయాలను సొంతం చేసుకున్నారు. ప్రస్తుతం వరుస సినిమాలతో బిజీగా ఉన్న బాలయ్య ఈ సినిమాలతో కూడా కెరీర్ బిగ్గెస్ట్ హిట్లను సొంతం చేసుకుంటాననే నమ్మకంతో ఉన్నారు. బాలయ్య సినిమా అంటే మినిమం 100 కోట్ల రూపాయల బడ్జెట్ తో తెరకెక్కాల్సిందే.

స్టార్ హీరో బాలయ్యను దగ్గరినుంచి చూసిన వాళ్లకే ఆయన గొప్పదనం అర్థమవుతుంది. ప్రముఖ టాలీవుడ్ నటి, బిగ్ బాస్ కంటెస్టెంట్ దివి (Divi Vadthya) బాలయ్య గురించి తాజాగా చేసిన కామెంట్లు సోషల్ మీడియా వేదికగా తెగ వైరల్ అవుతున్నాయి. బాలయ్య గ్రేట్ లీడర్ మాత్రమే కాదు గొప్ప మనిషి అని ఆమె కామెంట్లు చేశారు. స్టార్ హీరో బాలయ్యతో షూట్ అనుభవాన్ని ప్రత్యేకంగా పంచుకోవాలని అనుకుంటున్నానని దివి తెలిపారు.

సెట్స్ మీద బాలయ్య ప్రజెన్స్, ఎనర్జీ లెవెల్స్ గురించి ఎంత చెప్పినా తక్కువే అవుతుందని ఆమె చెప్పుకొచ్చారు. బాలయ్య షూట్ లో ఉంటే ఆహ్లాదకరమైన వాతావరణాన్ని క్రియేట్ చేస్తారని బాలయ్య అందరినీ ప్రోత్సహించే విధానాన్ని అస్సలు మరవలేనని ఆమె పేర్కొన్నారు. టీంలో ఉన్న ప్రతి వ్యక్తిని బాలయ్య గౌరవిస్తారని వాళ్ల స్థాయిని పట్టించుకోరని దివి అభిప్రాయం వ్యక్తం చేశారు.

బాలయ్య చేసే పనులే ఆయన క్యారెక్టర్ ను ప్రతిబింబిస్తాయని దివి పేర్కొన్నారు. బాలయ్య లీడర్ మాత్రమే కాదని గొప్ప మనిషని స్టార్ హీరో బాలయ్యతో పని చేసే అవకాశం రావడం ఎంతో గొప్పగా ఫీలవుతానని ఆమె కామెంట్లు చేశారు. బాలయ్య నుంచి ఫ్యాషన్, డెడికేషన్ నేర్చుకున్నానని ఆమె అన్నారు. దివి చెప్పిన విషయాలు నెట్టింట తెగ వైరల్ అవుతున్నాయి.