Vijayendra Prasad: ‘ఛత్రపతి’ ఫస్ట్‌ కథ తెలుసా? ‘అన్నవరం’ సినిమా కథకు ఉన్న లింక్‌ తెలుసా?

‘బాహుబలి’ సినిమాల ముందు రాజమౌళి – ప్రభాస్‌ కాంబినేషన్‌లో బెస్ట్‌ మూవీ అన్నా, యాక్షన్‌ సినిమాలకు ఓ బెంచ్‌ మార్క్‌ అన్నా వినిపించే సినిమా పేరు ‘ఛత్రపతి’. ఆ సినిమా గురించి ఎప్పుడు మాట్లాడుకున్నా, ఎంత మాట్లాడుకున్నా తక్కువే. ఇప్పుడు మనం చూస్తున్న ఆ సినిమా అసలు కథ తెలుసా? ఏ సినిమా నుండి స్ఫూర్తిగా తీసుకొని రచయిత విజయేంద్ర ప్రసాద్‌ ఆ కథను రెడీ చేశారో తెలుసా? ఇటీవల ఫిల్మీ ఫోకస్‌ ఓపెన్‌ హౌస్‌ ఇంటర్వ్యూలో ఆయనే స్వయంగా చెప్పుకొచ్చారు.

Vijayendra Prasad

హాలీవుడ్‌ సినిమా ‘స్కార్‌ ఫేస్‌’ సినిమా పాయింట్‌ స్ఫూర్తిగా తీసుకొని ‘ఛత్రపతి’ సినిమాను రాశానని చెప్పారు. అల్‌ పాచినో సినిమా ‘స్కార్‌ ఫేస్‌’ సినిమా చూశాక అదే ఆలోచనతో ఉండగా ‘ఛత్రపతి’ ఆలోచన వచ్చిందట. తొలుత అనుకున్న కథ ప్రకారం ప్రభాస్‌ పాత్ర తన తల్లి కోసం ఓ ఇల్లు కడుతూ ఉంటాడు. అదే సమయంలో నగరంలో రౌడీల ఇబ్బంది ఉంటుంది. సమాజం కోసం వారందరిని మట్టుబెట్టే పని హీరో చేస్తుంటాడు. షఫీ పాత్ర మాత్రం అన్న గురించి తల్లి దగ్గర తప్పుగా చెప్పే ప్రయత్నం చేస్తాడు.

ఇల్లు పని పూర్తవ్వడానికి ఇంకో ఆరు నెలలు పడుతుందని తల్లిని తీర్థయాత్రలకు పంపిస్తాడు. రిటర్న్‌ వచ్చేసరికి ప్రభాస్‌ పాత్ర మీద తల్లికి షఫీ పాత్ర తప్పుగా చెబుతాడు. దీంతో తల్లి కూడా తప్పుగానే అనుకుంటుంది. ఈ క్రమంలో ప్రభాస్‌ పాత్ర చనిపోతుంది. అప్పుడు తల్లి పాత్ర విషయం గ్రహించి తప్పు చేశాను అని బాధపడుతుంది. దీంతో కథకు ఎండ్‌ కార్డు పడుతుంది. అలా తొలుత ‘ఛత్రపతి’ శాడ్‌ ఎండింగ్‌లో అనుకున్నారట విజయేంద్ర ప్రసాద్‌.

ఆ తర్వాత సినిమాగా రూపుదిద్దుకున్న క్రమంలో సినిమా కథ గమనం, విధానం మారింది అని చెప్పారాయన. ఇలా ఊళ్లో రౌడీలను ఏరివేసే పాయింట్‌ పవన్‌ కల్యాణ్‌ ‘అన్నవరం’ సినిమాలో ఉంటుంది. అందులో చెల్లెలి పాత్ర కోసం పవన్‌ అలా చేస్తాడు. అలా రెండు కథలకు లింక్‌ ఉందన్నమాట.

రాజకీయాల్లోకి లారెన్స్‌.. క్లారిటీ లేని క్లారిటీ ఇచ్చి.. కన్‌ఫ్యూజన్‌లో పెట్టి!