2024 సంవత్సరంలో ఇప్పటికే ఎనిమిది నెలలు పూర్తయ్యాయి. ఈ ఎనిమిది నెలల్లో హిట్టైన సినిమాలను వేళ్ల మీద లెక్క పెట్టవచ్చు. అయితే ఈ ఏడాది బిగ్గెస్ట్ హిట్లలో కల్కి 2898 ఏడీ (Kalki 2898 AD) సినిమా కూడా ఒకటి. ప్రభాస్ (Prabhas) , అమితాబ్ (Amitabh Bachchan) అద్భుతమైన నటనతో ఈ సినిమా సక్సెస్ లో కీలక పాత్ర పోషించారు. కల్కి 2898 ఏడీ సినిమాకు అమితాబ్ చేసిన యాక్షన్ సీక్వెన్స్ లు హైలెట్ గా నిలిచాయనే సంగతి తెలిసిందే.
స్త్రీ 2 సినిమాలో విలన్ గా నటించిన సునీల్ కుమార్ జమ్మూ కశ్మీర్ పోలీస్ శాఖలో కానిస్టేబుల్ గా పని చేస్తున్న తాను అనుకోకుండా సినిమా రంగంలోకి వచ్చానని తెలిపారు. నా హైట్ 7.7 అని హైట్ వల్ల ఎక్కువ సంఖ్యలో మూవీ ఆఫర్లు వస్తున్నాయని ఆయన పేర్కొన్నారు. కల్కి సినిమాలో అమితాబ్ కు డూప్ గా చేశానని నాపై యాక్షన్ సీన్స్ ను షూట్ చేశారని సునీల్ కుమార్ వెల్లడించారు.
మా ఫ్యామిలీ అంతా అమితాబ్ కు వీరాభిమానులమని నా హైట్ వల్లే అమితాబ్ కు డూప్ గా చేసే ఛాన్స్ వచ్చిందని ఆయన తెలిపారు. షూట్ సరదాగా సాగిందని నాపై ఎన్నో స్టంట్స్ షూట్ చేశారని సునీల్ కుమార్ వెల్లడించారు. కల్కి సెట్ లో అడుగుపెట్టిన తొలి క్షణాలను తాను మరిచిపోలేనని ఆయన తెలిపారు. అమితాబ్ నాతో మాట్లాడుతూ అందరూ నేను ఎత్తైన మనిషినని అంటారని నేను మాత్రం నాకంటే ఎత్తైన మనిషిని కలిశానని సరదాగా కామెంట్ చేశారని సునీల్ కుమార్ తెలిపారు.
సౌత్ నుంచి కూడా నాకు మూవీ ఆఫర్లు వస్తున్నాయని సునీల్ కుమార్ చెప్పుకొచ్చారు. కల్కి సినిమాలో అమితాబ్ డూప్ గా నటించిన ఈ నటుడి గురించి, ఈ నటుడి హైట్ గురించి తెలిసి నెటిజన్లు ఆశ్చర్యానికి గురవుతున్నారు. కల్కి2 సినిమాపై అంచనాలు అంతకంతకూ పెరుగుతుండగా కల్కి సీక్వెల్ సరికొత్త రికార్డులు క్రియేట్ చేయాలని ఫ్యాన్స్ భావిస్తున్నారు.
Home